Listasafn árnesinga Logo

VINDURINN BLÆS OG BÁRAN VAGGAR – Örtónleikar í Listasafni Árnesinga

Á alþjóðlegum baráttudegi kvenna, sunnudaginn 8. mars kl. 14, mun Pamela De Sensi, flautuleikari flytja þrjú flautuverk eftir Elínu Gunnlaugsdóttur, tónskáld í Listasafni Árnesinga.

Tónleikarnir eru í tengslum við sýninguna Tilvist og Thoreau sem nú stendur yfir í Listasafni Árnesinga. Verkin sem flutt verða bera heitin Kveðja, albúm og Púsl. Hið síðast talda eða Púsl fyrir kontrabassaflautu og lúppustöð er innblásið af skrifum Thoreau og má heyra í því vindinn blása og bárurnar vagga. Kveðja er einleiksverk fyrir alt flautu sem vísar í ljóð Jónasar Hallgrímssonar, ,,Ég bið að heilsa”. Báðir þessir menn, H. D. Thoreau og Jónas Hallgrímsson voru uppi á 19. öld, stunduðu ritstörf og voru náttúrufræðingar.

Tónefni albúms fyrir alt flautu og lúppu er hins vegar sótt í upphafsstafi allra í fjölskyldu Elínar og er leikið með efnið ýmsan hátt. Upphafsstafirnir eru umtúlkaðir yfir í nótur en einnig unnin úr þeim hrynmynstur sem eiga rætur í morskerfinu. Tónmyndirnar eru stundum draumkenndar og stundum ákafar og rythmískar. Lúppan myndar svo einskonar hringrás sem bindur þær saman.

Pamela De Sensi og Elín Gunnlaugsdóttir hafa unnið saman í meira en áratug. Og hefur Elín samið fjögur einleiksverk fyrir hana en auk þess hafa þær unnið saman að ýmsum barnaverkum. Í febrúar sl. fóru þær á flautuhátíð í Washington þar sem Elín kynnti íslenska tónlist og Pamela lék verk eftir íslensk kventónskáld. 

Elín kynnir tónverkin og spjallar um tilurð þeirra. 

Aðgangur ókeypis.

THE WIND SWAYS AND THE WAVE FLOWS

Flute recital in LÁ Art Museum Hveragerði

Pamela De Sensi on flute and Elín Gunnlaugsdóttir composer

Sunday March 8th at 2 pm | Entrance free of charge

The concert is in context with the exhibiton Thoreau´s World which is currently on show at the museum. The works being performed are called Greetings, album and Puzzle. They are inspired by the writings of H.D. Thoreau with references to a poem by Jónas Hallgrímsson. Both men were alive in the 19th century and both were writers and naturalists.

WP2Social Auto Publish Powered By : XYZScripts.com