Um SÍM
Samband íslenskra myndlistarmanna (SÍM) var stofnað árið 1982 og er stærsta hagsmunafélag myndlistarmanna á Ísandi. Frá stofnun þess hefur SÍM barist fyrir margvíslegum réttindum og hagsmunum myndlistarmanna og áunnist margt í baráttunni.
Félagsmenn eiga ýmist einstaklingsaðild að SÍM eða í gegnum fagfélög myndlistarmanna, en undir regnhlíf SÍM eru sjö fagfélög myndlistarmanna.
Starfsemi SÍM
Sýningarrými
SÍM starfrækir tvö sýningarrými á höfuðborgarsvæðinu fyrir félagsmenn. Annarsvegar SÍM Gallery í Hafnarstræti 16 og hins vegar Hlöðuloftið á Korpúlfsstöðum.
Vinnustofur
SÍM framleigir vinnustofur til félagsmanna víðsvegar um höfuðborgarsvæðið. Félagsmenn geta einnig sótt um leigu að gestavinnustofum í Evrópu.
Listamannadvöl
SÍM Residency er alþjóðleg listamannadvöl fyrir myndlistarmenn staðsett í Reykjavík. Listamannadvöl SÍM eflir alþjóðleg tengsl listamanna og eykur menningarlega verðmætasköpun. Árlega koma um150 listamenn í listamnnadvöl á vegum SÍM. SÍM Residency býður einnig upp á vinnustofuskipti fyrir íslenska og erlenda listamenn.
Dvalarsjóður
Félagar í SÍM geta sótt um ferðastyrk Muggs sem veittur er tvisvar á ári fyrir ýmis myndlistarverkefni. Muggur er samstarfsverkefni SÍM, Myndstefs og Reykjavíkurborgar.