Tryggvi Ólafsson Nocture 2015

Tryggvi Ólafsson opnar sýningu á Mokka 1. maí

Mánudaginn 1. maí kl. 15 opnar Tryggvi Ólafsson sýningu á grafíkverkum á Mokka við Skólavörðustíg.

Tryggvi hefur notið hylli þjóðarinnar um árabil og hefur lengst af unnið að list sinni í Danmörku þar sem hann bjó í rúm 40 ár. Hann hefur sýnt víða um heim og snéri sér snemma að popplist þar sem hann nýtir sér efni og form bæði frá fortíð og nútíð. Það er mikill skáldskapur í verkum Tryggva, þau eru póetísk, djörf og mjög persónuleg.

Eftir slys 2007 flutti Tryggvi til Íslands og hefur ekki getað málað síðan þá. Hann er þó ekki alveg að baki dottinn og snúið sér aftur að grafíkinni, öll verkin sem hann sýnir nú eru öll unnin hér á landi á síðustu fjórum til fimm árum.

Sýningin er opin daglega frá kl. 9:00 til 18:30 og lýkur þann 28. júní.

WP2Social Auto Publish Powered By : XYZScripts.com