Listanlandamaera

Til hamingju með List án landamæra 2020!

DAGSKRÁ LISTAR ÁN LANDAMÆRA 2020

Hlaðvarp – Mannréttindi Fatlaðra
Viðtöl við stjórnendur menningarstofnana og samtöl um áform og aðferðir til að bæta aðgengi og stöðu fatlaðra varðandi menningu og listir. Maí-desember 2020.

https://soundcloud.com/mannr-ttindi-fatla-rahttps://open.spotify.com/show/0BmADo7197aodf3q3cnhfx

SÝNINGAR OG VIÐBURÐIR: 

Gallerí Port
Laugavegi 23b, 101 Rvk.
Einkasýning Hrafns Jónssonar – Krumma. Ljósmyndir 
Skrölt III
Opið til 8. nóvember.
Mið-lau kl.12:00-18:00.

Gallerí Grótta
Eiðistorgi 11, 170 Seltjarnarnesi.
Það bera sig allir vel
Samsýning 30 listamanna.
Tvívíð og þrívíð myndverk.
Opið til 1. nóvember eftir samkomulagi vegna Covid-19 takmarkana. Verið velkomin að hafa samband: info@listin.is

Hannesarholt
Grundarstíg 10, 101 Rvk.
Einkasýning Björns Traustasonar. Teikningar.
Opið til 1. nóvember eftir samkomulagi vegna Covid-19 takmarkana. Verið velkomin að hafa samband: info@listin.is

Hjarta Reykjavíkur
Laugavegi 12b, 101Rvk. 
Einkasýning Helenu Óskar Jónsdóttur frá Akureyri. Vatnslitamálverk og skúlptúrar.
Opið til 4. nóvember. 
Mán-lau kl.11:00-18:00.

Listasafn Árnesinga
eykjamörk, Hveragerði.
Samsýning Pálínu Erlendsdóttur og Elvu Bjarkar Jónsdóttur, íbúa á Sólheimum.
Opið til 1. nóvember.
Þrið-sun kl.12:00-17:00.

Listasalur Mosfellsbæjar
Einkasýning Helgu Matthildar Viðarsdóttur – listamanns hátíðarinnar 2020. Teikningar og málverk.
Opið til 13. nóvember eftir samkomulagi vegna Covid-19 takmarkana. Verið velkomin að hafa samband: info@listin.is

Midpunkt
Hamraborg 22, 200 Kópavogi.
Samsýning. Anna Jóelsdóttir & Erla Björk Sigmarsdóttir og Arnar Ásgeirsson & Gísli Kristinsson. Tví- og þrívíð verk.  
Opið til 27.október.
Opið mán og þrið kl.14:00 – 17:00 og eftir samkomulagi.

Norræna húsið
29. okt kl.17:00-18:00: Viðburður í miðjusal (án gesta vegna C-19 fjöldatakmarkana, en streymt á heimasíðu og samfélagsmiðlum hátíðarinnar).
Viðburðir: 1. Vídeóprógram-1 aðgengilegt á netinu í 4 daga (vídeóverk nemenda Myndlistarskólans í Rvk. 8mín), 2. Vídeógjörningur Steinars Svan Birgissonar “Í frjálsu falli”(30mín), 3. Vídeóprógram-2aðgengilegt á netinu í 4 daga (Teikninga-leir bók “Byrjun heimsins” eftir Hauk Hafliða Björnsson frá Blönduósi. 10mín).

Ráðhús Reykjavíkur:

Brandur Bjarnason Karlsson munnmálari, málverk.
Opið 23. okt – 22. nóv.
Opið mán-fös kl.08:00-18:00, lau kl.10:00-18:00, sun kl.12:00-18:00.

Teikning Helgu Matthildar Viðarsdóttur, listamanns Listar án landamæra 2020

DESEMBER 2020

3.-6. des: Listmarkaður – sýning. Opnun 3. desember á alþjóðlegum degi fatlaðra. List og handverk listamanna sem vinna með/á/í Sólheimum í Grímsnesi, Myndlistarskólanum í Reykjavík, Skógarlundi á Akureyri, Specialisterne í Reykjavík, Félags- og skólaþjónustunni A-Hún á Blönduósi, Hlutverkasetrinu í Reykjavík, Ás styrktarfélagi, Fjölmennt í Reykjavík, Heymaey vinnu- og hæfingarstöð-Vestmannaeyjum og vonandi fleirum.

List án landamæra er listahátíð er leggur áherslu á list fatlaðs fólks. Hátíðin var fyrst haldin árið 2003 á Evrópuári fatlaðra og hefur verið haldin árlega síðan. Hátíðin sýnir öll listform og stendur fyrir samstarfi á milli listamanna. Hátíðin er eini vettvangurinn á Íslandi sem leggur alfarið áherslu á listsköpun fatlaðs listafólks og hefur skapað sér sérstöðu innan menningarlífsins á Íslandi. 

Sérstök áhersla er lögð á myndlist á þessu ári, og þá á einkasýningar svo og samsýningar á viðurkenndum sýningastöðum í Reykjavík og í nokkrum nágrannabæjarfélögum.

Markmið með því að þátttakendur sýni verk sín í viðurkenndum sýningarýmum er að styðja við inngildingu fatlaðra listamanna í listheiminum, að fatlaðir listamenn fái notið sín fyrir eigin listhæfileika og sköpunarkraft.

Um 50 listamenn sýna listsköpun sína á hátíðinni í ár, á 10 mismunandi sýningastöðum, sem allir hafa sannað sig sem málsmetandi vettvangur listar í landinu og velja listamenn inn í sitt mengi byggt á því að listamenn hafi eitthvað mikilvægt og gefandi fram að færa.

Og því er svo sannarlega að heilsa á þessari hátíð sem þeim fyrri!

Hátíðin hefur stuðlað að samstarfi á milli ólíkra hópa og m.a. verið í samstarfi við listasöfn, starfandi listafólk, leikhópa og tónlistarfólk. Hátíðin hefur einnig stuðlað að umræðu um ímynd fatlaðra listamanna í listum. 

List án landamæra hlaut Múrbrjót Þroskahjálpar árið 2009 og var tilnefnd til Hvatningaverðlauna ÖBÍ árið 2011. Árið 2012 hlaut List án landamæra Mannréttindaverðlaun Reykjavíkurborgar.

Listrænn stjórnandi Listar án landamæra 2020 er Birta Guðjónsdóttir

List án landamæra
www.listin.is
info@listin.is List án landamæra 2020 er stutt af Mennta- og menningarmálaráðuneytinu, Reykjavíkurborg og Öryrkjabandalaginu-ÖBÍ.

WP2Social Auto Publish Powered By : XYZScripts.com