S78

Þjóðminjasafn Íslands – Regnbogaþráðurinn

Regnbogaþráðurinn – vegvísir um grunnsýningu Þjóðminjasafns Íslands

Í tilefni af 40 ára afmæli Samtakanna ’78 verður næsta vetur boðið upp á hinsegin vegvísi um grunnsýningu Þjóðminjasafns Íslands, Þjóð verður til – menning og samfélag í 1200 ár. Á Hinsegin dögum verður verkefnið kynnt og fulltrúar þess leiða gesti í gegnum sýninguna.

Markmiðið með Regnbogaþræðinum er að miðla upplýsingum um hinsegin líf og tilveru í Íslandssögunni, sýna hvernig hugmyndir um kyn og kynhneigð taka á sig ýmsar myndir á ólíkum tímum og ekki síst að spyrja spurninga, skoða hið ósagða og hvetja gesti til gagnrýninnar hugsunar. Að verkefninu standa Samtökin ’78 og Þjóðminjasafn Íslands.

Leiðsögnin fer fram sunnudaginn 12. ágúst kl. 13. Verið öll velkomin, aðgangur er ókeypis fyrir leiðsagnargesti.

WP Facebook Auto Publish Powered By : XYZScripts.com