15392994 10154794749999695 4075299409508873609 O

TEXTI: leiðsögn með Birtu Guðjónsdóttur sýningarstjóra og Pétri Arasyni

Sunnudaginn 11. desember í Listasafni Íslands.

Birta Guðjónsdóttir sýningarstjóri og Pétur Arason listaverkasafnari, munu leiða gesti um sýninguna TEXTI – VALIN TEXTAVERK ÚR SAFNI PÉTURS ARASONAR OG RÖGNU RÓBERTSDÓTTUR, sunnudaginn 11. desember kl. 14.

Pétur hefur, ásamt Rögnu Róbertsdóttur eiginkonu sinni, safnað listaverkum í rúmlega 40 ár, og sett upp fjölda nýrra sýninga og sýninga á verkum úr safneign sinni, m.a. í sýningarrýmum þeirra hjóna í Reykjavík og Berlín. Pétur Arason og Ingólfur Arnarsson ráku sýningarrýmið Önnur hæð  á heimili Péturs og Rögnu á árunum 1992-1997. Árið 2003 stofnuðu Pétur og Ragna SAFN , sem opið var almenningi til ársins 2008. Síðan þá hafa þau rekið samnefnt sýningarrými í Þingholtunum í Reykjavík og í miðborg Berlínar.

Á sýningunni T E X T I eru sýnd textaverk um fimmtíu íslenskra og alþjóðlegra myndlistarmanna. Verkin á sýningunni eru valin úr um 1000 verka safneign listsafnaranna Péturs Arasonar og Rögnu Róbertsdóttur en þau hafa safnað íslenskri og erlendri samtímamyndlist frá því á sjöunda áratugnum.

Frjálsasta listformið Víðsjá ræðir við Birtu Guðjónsdóttur um sýninguna.

Ljósmynd: Gunnar V Andrésson, tekin við uppsetningu á sýningunni T E X T I –Valin textaverk úr safni Péturs Arasonar og Rögnu Róbertsdóttur

WP2Social Auto Publish Powered By : XYZScripts.com