TALK Series: Mary Jane Jacob – Experiencing Social Practice, Hafnarhús, fimmtudag 30. apríl kl. 20

            
Mary Jane Jakob

Mynd: Mary Jane Jacob

Fimmtudag 30. apríl kl. 20
TALK Series: Mary Jane Jacob – Experiencing Social Practice
Hafnarhús

Mary Jane Jacob, sýningarstjóri og prófessor við School of the Art Institute í Chicago, er annar gestur í fyrirlestraröðinni TALK Series á árinu 2015. Fyrirlestur Jacobs nefnist „Experiencing Social Practice“.

Í fyrirlestrinum mun Jacob velta fyrir sér upplifun áhorfenda og listamanna sjálfra af listaverkum sem hafa beina samfélagslega nálgun og fela í sér þátttöku almennings. Þá mun hún styðjast við kenningar bandaríska heimspekingsins John Deweys til þess að skoða félagslega sinnuð verk myndlistarmanna.

Mary Jane Jacob hefur sem sýningarstjóri síðustu áratugi stýrt hundruðum sýninga sem miða að því að færa myndlistina og orðræðu hennar út í samfélagið og nær almenningi. Jacob hefur einnig rannsakað hvað upplifun á myndlist felur í sér og gefið út viðamiklar bækur um viðfangsefnið, m.a: Buddha Mind in Contemporary Art, Learning Mind: Experience into Art, Chicago Makes Modern: How Creative Minds Changed Society, og The Studio Reader: On the Space of Artists. Jacob er prófessor við School of the Art Institute of Chicago þar sem hún hefur veitt forystu rannsóknarverkefnis sem nefnist Chicago Social Practice History Series.

TALK Series er samstarfsverkefni Listasafns Reykjavíkur, Kynningarmiðstöðvar íslenskrar myndlistar og Listaháskóla Íslands. Lagt er uppi með að skapa vettvang fyrir alþjóðleg tengsl og umræður um myndlist í fyrirlestraröð ár hvert. Þátttakendur eru virtir sýningarstjórar, fræði- og listamenn sem eiga merkan feril að baki á alþjóðlegum vettvangi.

Fyrirlesturinn fer fram á ensku og er öllum opinn án endurgjalds.

Styrktaraðilar fyrirlestraraðarinnar TALK Series eru Goethe-Institut, Bandaríska sendiráðið á Íslandi og Promote Iceland.

WP Facebook Auto Publish Powered By : XYZScripts.com