Untitled 1

Tækifæri fyrir unga félagsmenn SÍM

Kæru félagsmenn,

Stjórn SÍM hefur ákveðið að fara af stað með tilraunaverkefni til næstu tveggja ára sem er að veita tveimur ungum félagsmönnum tækifæri á að dvelja einn mánuð frítt í gestavinnustofu SÍM í Berlín. Þeir fá einnig tækifæri til að segja frá dvöl sinni og listsköpun í STARA.

Frá árinu 2010 hefur SÍM haft Gestavinnustofu í Berlín á leigu fyrir félagsmenn SÍM. Hugmyndin var að gefa félagsmönnum tækifæri á að dvelja í stórborginni Berlín og vinna að list sinni. Gestavinnustofan er á fimmtu hæð í fjölbýlishúsi í Neue Bahnhofstrasse 27, í Friedrichshain í austurhluta Berlínar.

STARA er myndlistarit sem leitast við að efla umræðu og þekkingu á myndlist ásamt því að segja frá starfsemi SÍM. STARA er bæði á íslensku og ensku, og höfðar jafnt til fagfólks sem og áhugafólks um myndlist. STARA mun koma út tvisar á árinu 2016 og verður prentað í 500 eintökum og dreift frítt.
Úthlutað verður mánuðina mars og september 2016. Þeir sem fá úthlutað geta sótt um dvalarstyrk frá Muggi og ferðastyrk frá Myndstefi.

Valnefnd mun fara yfir umsóknir og úthlutað verður 5. fefbrúar 2016. Valnefndin áskilur sér rétt til þess að velja og hafna umsóknum án sérstaks rökstuðnings eða útskýringa.

Umsóknarfrestur er 1. febrúar 2016 og sendist á sim@sim.is

þeir sem sækja um dvölina hjá SÍM geta einnig sótt um hjá KÍM

Skilyrði fyrir umsókn:
Umsækjandi verður að vera yngri en 35 ára.
Skila verður greinargerð, þar sem fram kemur hvað umsækjandi hyggst vinna að meðan á dvöl stendur, max 200 orð.
Ef umsækjandi er ekki með heimasíðu, þá þarf að senda 4-5 myndir af nýlegum verkum sem hafa verið unnið síðastliðið 3 ár.
CV max 1 x A4 blað.

Aðeins er tekið við umsóknum í tölvupósti.

WP2Social Auto Publish Powered By : XYZScripts.com