Varðað

Sýningin Varðað opnar í Ásmundarsal á fimmtudaginn 4. júl kl 17

Fimmtudaginn 4. júlí kl. 17 opnar samsýningin Varðað í Ásmundarsal og stendur sýningin yfir til 11 ágúst.

Fjórir listamenn af yngri kynslóðinni sýna ný verk sem þau hafa unnið innblásin af sögu og umhverfi Skólavörðuholtsins. Listamennir eru þau Auður Lóa Guðnadóttir, Helga Páley Friðþjófsdóttir, Loji Höskuldsson og Þorvaldur Jónsson. Þrátt fyrir að notast við ólíkar vinnuaðferðir og vinna í fjölbreytta miðla, er sterk tenging á milli listamannanna. Þau hafa öll leitast við hafa einlægni og leik í forgrunni verka sinna, full af húmor, og sögur sagðar með bæði formum og litum.

Hver og einn listamannanna vinnur verk sín með eigin útfærslu og í sinn miðil. Með því að skapa ólík verk en öll á sama sögusviði fær áhorfandinn fjölbreytt sjónarhorn á umfjöllunarefnið. Verkin eru allt frá því að vera með sögulegu ívafi, en þó frjálslegu, yfir í að vera enn frjálslegri og meira abstrakt túlkun á umhverfinu.

Efniviður og sögusvið verkanna á sýningunni er Skólavörðuholtið sjálft. Skólavörðuholtið er einsog hvirfill borgarinnar, útsýnisstaðurinn, þaðan sem hefur mátt athuga hvernig borgin standi á hverjum tíma. Holtið sem nánast stóð autt fyrir 100 árum en nær allir ferðamenn heimsækja í dag. Hvernig það varð að þessu holti. Varðað.

Í tilefni sýningarinnar kemur út bókverkið Varðað eftir Skarphéðinn Bergþóruson.

Opnunin stendur frá 17-20. Léttar veigar í boði. Allir velkomnir

WP2Social Auto Publish Powered By : XYZScripts.com