ýr Jóhannsdóttir

Sýningin “Svona myndi ég ekki gera” eftir Ýrúrarí opnar í Gallery Port laugardaginn 10. ágúst klukkan 20:00 og stendur yfir til 20. ágúst

Ýr Jóhannsdóttir hefur skapað textíl undir nafninu Ýrúrarí frá 2012. Ýr hefur vakið athygli fyrir prjónuð verk sín og þá sérstaklega fyrir tilraunarkenndar og kímnar peysur. Verk Ýrar hafa verið sýnd á Íslandi og víðar, en nú síðast í New York í glugga Textile Arts center í febrúar 2019. Þar nutu endurunnar peysur Ýrar mikla athygli þar sem hún vinnur með peysurnar sem tóman striga og prjónar á þær íklæðanleg verk. Út frá velgengninni vestanhafs varð til sýningin “Svona myndi ég ekki gera” þar sem nokkrar óheppnar gamlar peysur mæta örlögum sínum.

Ólíkt fyrri verkum Ýrar þar sem praktík er í fyrirrúmi fá peysur sýningarinnar aðra meðferð. Þar má nefna norska lopapeysu sem vex kjaftop á baki, kaðlapeysa sýkist af kambgarnskláða og ein sígild akrýl rósapeysa frá sjöunda áratugnum hrökklast í sundur í formi verka á vegg.

WP2Social Auto Publish Powered By : XYZScripts.com