Frida Dyrid

Sýningin Fríða og dýrið eftir Michel Santacroce á Borgarbókasafninu í Spönginni

„Fríða og dýrið“ er heiti myndlistarsýningar Frakkans Michel Santacroce sem var opnuð á Borgarbókasafninu í Spönginni í síðustu viku, þar eru til sýnis klippimyndir og stafrænar ljósmyndir.

Sagan um Fríðu og dýrið er ævagömul, eina af fyrstu þekktu útgáfum hennar má finna í bókum gríska rithöfundarins Apuleiusar, sem uppi var á 2. öld eftir Krist, nánar tiltekið í sögunni Eros og Psyche – ást og andi.

Í verkum sínum veltir Santacroce fyrir sér hvernig ljótleiki og fegurð eru samtvinnuð í okkur öllum, í raun er erfitt að greina eitt frá öðru. Við erum dæmd til að bera í okkur andstæðurnar og glíma við þær ævina á enda.

Michel Santacroce er fæddur í Marseille í Frakklandi, hann er málvísindamaður að mennt, hefur yndi af orðum og endalausum samsetningarmöguleikum þeirra. Frá orði til myndar er aðeins eitt skref, sem Santacroce tók ungur, þegar hann hóf að stunda klippimyndalist á áttunda áratugnum.

Santacroce bjó hér á landi í nokkur ár og hefur haldið sterkum tengslum við land og þjóð. Þegar sýnngu hans í Spönginni lýkur verða verkin til sýnis á Amtsbókasafninu á Akureyri.

Sýningin á Facebook

WP2FB Auto Publish Powered By : XYZScripts.com