Úr Hreifimyndinni Eldingaflótti

Sýningin Eldingaflótti opnar laugardaginn 30. nóvember klukkan 17:00 í Gallerí Braut

Sýningin Eldingaflótti opnar laugardaginn 30. nóvember klukkan 17:00 í Gallerí Braut, Suðurlandsbraut 16, 3. hæð.

Elín Helena Evertsdóttir myndlistarkona sýnir þar ný verk, tréskúlptúr, teiknimynd og málverk. Erkitýpan Gosi kemur við sögu og þema sýningarinnar er meðal annars flótti og þráin eftir því að vera mannlegur.

Sýningin er opin til 15. desember, föstudaga til sunnudaga frá 14:00 -18:00. Öll velkomin.

Elín Helena útskrifaðist með meistaragráðu í myndlist frá The Glasgow School of Art árið 2005 og með B.A. gráðu í myndlist frá Listaháskóla Íslands árið 2001. Hún hefur haldið nokkrar einkasýningar og tekið þátt í mörgum samsýningum og vinnur oft með hugmyndir um skynjun, umbreytingu, tilfinningar og það óvenjulega í því venjulega. Hún notar miðla sem henta verki hverju sinni, ljósmyndatækni, videó, hljóð, texta, teikningu, gjörning eða skúlptúr.

Úr hreyfimyndinni “Eldingaflótti”
WP2Social Auto Publish Powered By : XYZScripts.com