Augafauga

Sýningin Auga fyrir Auga verður opnuð laugardaginn 17. ágúst kl.14 – 17 í Gallerí Vest

Sýningin Auga fyrir Auga verður opnuð  laugardaginn 17.ágúst næstkomandi í Gallerí Vest, Hagamel 67, 107 Reykjavík.

Sýningin verður opin kl 14-17 laugardaga og sunnudaga til 25. ágúst.

Listakonurnar Jonna og Karólína sýna verk sem þær unnu út frá eigin sjónskerðingum og annarra, til heiðurs blindum og sjónskertum á 80 ára afmæli blindrafélagsins.

Augað er viðfangsefni sýningarinnar og verða bæði málverk og þrívíð verk til sýnis. Gestum gefst einnig kostur á að skyggnast inn í heim blindra og sjónskertra með gleraugum sérútbúnum til að túlka ýmsar sjónskerðingar og fá þannig tækifæri til að skoða sýninguna með öðrum augum. Listakonurnar Karólína Baldvinsdóttir og Jonna/Jónborg Sigurðardóttir eru báðar blindar á öðru auga og er það innblástur sýningarinnar.

Allir velkomnir!

WP2Social Auto Publish Powered By : XYZScripts.com