32bd51ec 8c25 46bb Bc0b 83f0a286e3f7

Sýningin Ár af lífsefa- MAN

Steinunn Gunnlaugsdóttir opnar sýninguna Ár af lífsefa – MAN í Ekkisens næsta laugardag 28. nóvember kl. 17:00.

Sýningin samanstendur af myndbands- og hljóðverkum sem takast á við lífsefann; þá grunn tilvistarspuringu hverrar mannskepnu hvort hún vilji lifa eða ekki. Og ef ekki – hvort hún velji að taka sitt eigið líf eða hrærast um í tilvistarangist.

Kjarninn í verkum Steinunnar eru tilvistarátök innra með hverri mannskepnu, togstreita og átök hennar við allar þær ytri formgerðir og kerfi sem umkringja hana – og/eða uppgjöf gagnvart þeim.

Steinunn Gunnlaugsdóttir fæddist á síðustu öld á Íslandi. Hún útskrifaðist af Myndlistabraut Fjölbrautarskólans í Breiðholti árið 2003 og af Myndlistabraut Listaháskóla Íslands árið 2008. Veturinn 2013–2014 sótti hún fyrirlestra og vinnustofur í Ashkal Alwan, listamannarekinni menningarstofnun í Beirút, Líbanon.

Arkíf verka hennar má finna á vefsíðunni sackofstones.com

Sýningin stendur til og með 6. desember og er opin alla daga milli klukkan 17 – 19.

WP Facebook Auto Publish Powered By : XYZScripts.com