Langjökull

Sýningarspjall Páls Stefánssonar á laugardag í Ljósmyndasafni Reykjavíkur

Í tilefni af lokahelgi sýningarinnar …núna mun Páll Stefánsson ljósmyndari vera með sýningarspjall í Ljósmyndasafni Reykjavíkur laugardaginn 11. maí kl. 14. Eins og titill sýningarinnar ber með sér eru myndirnar það nýjasta frá Páli. Þar teflir hann saman landslagsmyndum frá Íslandi og ljósmyndum af flóttamönnum um víða veröld. Aðgangur á spjallið er ókeypis.

Sýningin: …núna

Bangladesh FA

„Eftir þrjátíu og sjö ár sem ferðalangur og ljósmyndari er það þögnin sem er hvað minnisstæðust. Þessi ærandi þögn í endalausri víðáttu Vatnajökuls, líka þrúgandi þögnin í Cox´s Baazar í Bangladesh þar sem hálf milljón flóttamanna höfðu misst málið. Ég er ekki að líta til baka, þessi sýning er um núið, þau augnablik sem ég er að fanga hér og nú. Flóttamenn á faraldsfæti, straumhörð á sem líður áfram. Kona í hvarfi bak við við þúfu eða hól. Hól sem breytist í fjall. Fjallmyndarlegan mann sem á ekkert. Ekki einu sinni framtíð.“

„Ef staðir fanga mig, þá gríp ég augnablikin,…..núna.“  

Páll Stefánsson

Páll Stefánsson er fæddur norður undir baug, í Öxarfjarðarhreppi árið 1958. Nam ljósmyndun í konungsríkinu Svíþjóð ´79 til ´82 á síðustu öld og er nú Sony Global Imaging Ambassador. Páll hefur gefið 37 bækur, með myndum af fjöllunum handað við hornið, líka af koptískri stelpu í Alexandríu og löngum skuggum á gulnuðum sandi í Önundarfirði fyrir vestan.

WP Facebook Auto Publish Powered By : XYZScripts.com