Olofbjorg

Sýningaropnun í Spönginni: eitur sem meðal – meðal sem eitur

Verið öll velkomin á sýningaropnun Ólafar Bjargar Björnsdóttur, fimmtudaginn 3. október kl. 17:00 á Borgarbókasafninu í Spönginni. Sýningin ber titilinn eitur sem meðal – meðal sem eitur og eru verkin unnin með blandaðri tækni.

Ólöf Björg Björnsdóttir er fædd 1973 í Reykjavík þar sem hún býr og starfar.

Hún útskrifaðist frá málaradeild Listaháskóla Íslands árið 2001 og hefur einnig stundað nám við Listaháskólann í Granada á Spáni. Ólöf hefur kennsluréttindi frá Listaháskóla Íslands, hefur lært klassíska lífs- og heimspeki í Háskóla Íslands og lagt stund á ýmiskonar andleg og shamanísk heilunarfræði.

“Innan bleiks kúpuls er verndaður kór, svo verndaður að hann er ósýnilegur lægra sjálfi.

Kúpullinn kallast á við við litríkan huga og ævintýralegan vilja í leit að samhljómi. Hans hlutverk er að láta þræði dansa um margar víddir í senn og vera mengi innan mengja, að vera rými sem inniheldur kór kærleikans. Sálareignir sjálfsins hvíla verndaðar í hvelfingu sem gjafir og kærleikurinn er þar meðvitaður, lifandi og ábyrgur. Helgidómurinn er stærri að innan en að utan, hann er lífrænn og fagurbleikur en getur verið óvarinn vaxtarverkjum reynslunnar en æðra sjálfið styrkist þó á þvottabretti hjartans. Stundum kostar það kaos, sundurrif og angist sem líkist helst sturlun. 

Fegurðin liggur í því að umfaðma breyskleika egósins, umbreytir sársauka í mynstruð hjartalaga ör eins og blómamynstur á viðkvæmu postulíni! Fegurðin endurheimtir tært flæðið, viljann og endurskapar sjálfa sig. Dansar á milli þess að vera lýsing, sögn og sjálfsins nafn.”

eitur sem meðal – meðal sem eitur
Borgarbókasafnið | Menningarhús Spönginni
Opnun 3. október kl. 17:00

Sýningin stendur til 14. nóvember

WP2Social Auto Publish Powered By : XYZScripts.com