18589007 1918814118375936 9049619554632464547 O

Sýningaropnun – FLÆKJA – 26. maí

Verið velkomin á opnun sýningarinnar FLÆKJA 26. maí frá kl. 17:00 – 19:00 í gallerí Ekkisens, kjallara Bergstaðastrætis 25B. Linn Björklund og Soffía Guðrún KR Jóhannsdóttir útskrifuðust báðar úr meistaranámi í myndlist frá Listaháskóla Íslands árið 2015 og er FLÆKJA fysta samstarfsverkefni þeirra.

Hér má finna viðburðinn á Facebook

Í kjallarnum liggja rætur hússins. Í kjallaranum eru mörk dags og nætur óljósari. Í kjallaranum rennur það saman.

Alexander var forvitinn og ævintýragjarn. Hann hafði engan áhuga á þeim hluta hússins sem lá ofanjarðar; bókasafninu, notalega arninum eða stóru herbergjunum. Hann leitaði niður í kjallarann, þar sem hann gat legið í baðkarinu og leyft vatninu að umlykja líkamann, finna hvernig það kólnaði smám saman meðan hann fylgdist með baunaplöntunni sem óx upp úr niðurfallinu í gólfinu. Plantan var einhvers konar sönnun; hér var hann næst náttúrunni, hér var himnan milli náttúrunnar og hins manngerða þynnst. Hann fann það líka á veggjunum, jörðin hinum megin við múrsteinana vildi komast inn. Hún kallaði á hann.

Alexander var heltekinn af því sem aðrir veltu ekki fyrir sér. Hann lyfti plöntunum upp úr dýru kínversku blómapottunum og rannsakaði ræturnar – þar var lífið, það sem lá ofanjarðar var bara tilgerðarlegt skraut. Samkvæmt honum var hið manngerða bara á yfirborðinu, eins og þunn skorpa. Ofan í jörðinni giltu önnur lögmál, þar fléttuðust ræturnar við jörðina, sveppi og ánamaðka. Þar var rotnun forsenda nýs lífs.

WP Facebook Auto Publish Powered By : XYZScripts.com