C9728611 Aab1 42a1 9d69 F7d262166ae2

Sýningaropnun − Innrás IV: Margrét Helga Sesseljudóttir, 10.11. í Ásmundarsafni

Sýningaropnun − Innrás IV: Margrét Helga Sesseljudóttir
Laugardag 10. nóvember kl. 16.00 í Ásmundarsafni

Sýningin Innrás IV eftir Margréti Helgu Sesseljudóttur verður opnuð í Listasafni Reykjavíkur – Ásmundarsafni við Sigtún, laugardag 10. nóvember kl. 16.00.

Fjórði innrásarliðinn á sýningunni List fyrir fólkið í Ásmundarsafni er Margrét Helga Sesseljudóttir. Meðal þess sem Margrét nýtir í list sinni er fundið efni en einnig notast hún við sjálfa sig til þess að skapa skúlptúra og upplifanir. Verkin í Ásmundarsafni eru hluti af þríleik Margrétar sem kallast Ég var himnesk og kallast á við arkitektúr byggingarinnar. Verkin ráðast inn í rýmið, breyta því, eiga heima þar – en samt ekki.

Margrét Helga Sesseljudóttir (f. 1988) útskrifaðist frá National College of Art and Design í Dublin árið 2014 og hefur sýnt reglulega hér á landi og erlendis síðan.

Sýningarstjóri er Sigurður Trausti Traustason.

Sunnudag 25. nóvember kl. 15.00 verður Margrét Helga með leiðsögn um sýninguna.

Fjórar INNRÁSIR hafa verið gerðar inn í sýninguna List fyrir fólkið á árinu 2018, þar sem völdum verkum Ásmundar Sveinssonar er skipt út fyrir verk starfandi listamanna eða þeir bæta verkum inn á sýninguna. Fyrsta innrásin var í höndum Guðmundar Thoroddsen, því næst kom Hrafnhildur Arnardóttir / Shoplifter. Nýlokið er sýningu á verkum Matthíasar Rúnars Sigurðssonar og nú tekur Margrét Helga við. Öll vinna þau skúlptúra í ólík efni og veita verk þeirra áhugaverða sýn á þróun þrívíðrar myndlistar, efnisval og viðfangsefni.

WP Facebook Auto Publish Powered By : XYZScripts.com