Sýning Önnu Þ. Guðjónsdóttur opnar 28. október

Verið velkomin á sýningu Önnu Þ. Guðjónsdóttur, Ferðlag línu og forma, sem verður opnuð í Borgarbókasafninu Menningarhúsi Spönginni, laugardaginn 28. október kl. 14.

Anna sýnir teikningar og vatnslitamyndir af geómetrískum mynstrum í íslömskum arkítektúr, sem byggja á teikningu grunnformanna, skörun þeirra og endurtekningu.  Mynstrin sem unnið er útfrá má meðal annars finna á Spáni og í Marokkó, en þau eiga sér ekki nafngreinda höfunda.

Anna stundaði nám í grafíkdeild Mynlista- og handíðaskóla Íslands, fór síðan í framhaldsnám til Ítalíu og lauk námi í leikmynda- og búningahönnun. Hún vann hjá leikmyndadeild RÚV í nokkur ár, en starfar nú við kennslu í Tækniskólanum.

Sýningin í Spönginni er fjórða einkasýning Önnu.

Anna Guðjónsdóttir veggspjald

WP2Social Auto Publish Powered By : XYZScripts.com