Sýning Heiðrúnar í Stúdíó Stafni 21.febrúar

finaldetail2

 

Verið velkomin á sýningu Heiðrúnar Kristjánsdóttur UPPSPUNI, laugardaginn 21. febrúar 2015, kl. 15-17 í Stúdíó Stafni, Ingólfsstræti 6. Sýningin er opin alla daga frá kl. 14-17. Sýningarlok eru 1.mars.

Ný myndverk spunnin upp úr gömlum marglesnum bókum.

Eftir síðustu sýningu mína á vaxbornum bókarkápum (Kjölfesta, 2012) blasti við mér mikill fjöldi  kápulausra bóka. Mig langaði að spinna myndverk upp úr bókunum því litbrigði og  eiginleikar hinna fjölmörgu pappírstegunda hafa jafnan heillað mig og oft skarta snið bókanna  gyllingu, munstrum og litum. Prentsverta og leturgerð tala einnig sínu máli.

Þessi pappírsverk tjá þakklæti mitt og ástarhug til bókarinnar, sem allt mitt líf hefur veitt mér innblástur og verið mér uppspretta þekkingar. Hvert og eitt verk er myndrænn uppspuni, flæði hughrifa úr heimi bóka og bókmennta.

WP2Social Auto Publish Powered By : XYZScripts.com