6 Svartmalmur Verði Ijós

Svartmálmur, ný sýning í Skoti Ljósmyndasafns Reykjavíkur

Svartmálmur, ný sýning í Skoti Ljósmyndasafns Reykjavíkur

SVARTMÁLMUR er yfirskrift nýrrar sýningar í Skoti Ljósmyndasafns Reykjavíkur sem opnuð verður fimmtudaginn 31. maí kl. 17. Ljósmyndir á sýningunni eru eftir Hafstein Viðar Ársælsson sem verður með þungarokksgjörning á opnuninni.

Undanfarin þrjú ár hefur Hafsteinn Viðar Ársælsson markvisst ljósmyndað “black metal” eða svartmálms senuna á Íslandi undir dulnefninu „Verði Ljós“.

Heimurinn í kringum þessa tónlistarstefnu virkar á marga sem óaðgengilegur og dularfullur og er því mjög áhugavert fyrir almenning að fá innsýn inn hann. Svartmálmur gegnir lykilhlutverki í landslagi neðanjarðartónlistar og nýtur vinsælda víða um heim. Þrátt fyrir landfræðilega einangrun hefur svartmálmstónlist blómstrað á Íslandi síðastliðinn áratug og klifið upp metorðastigann erlendis. Má þar vafalaust þakka þekktum íslenskum svartmálms tónlistarútgáfufyrirtækjum, hátíðum á borð við Eistnaflug og Oration og einnig alþjóðlega þekktum hljómsveitum sem hafa borið hróður þessarar tónlistar víða.

Á sýningunni eru meðal annars að finna myndir sem teknar eru undir formerkjum skrásetningar og skáldskapar af hljómsveitum eins og Mismþyrmingu, Nöðru, Nyiþ, Sinmara, Svartadauða og Wormlust, sólóverkefni ljósmyndarans sjálfs.

Á meðan sýningu stendur verður til sölu í safnbúð safnsins samnefnd bók sem komin er út, en hún hefur nú þegar fengið mikla umfjöllun í erlendum miðlum og viðtöl birst við Hafstein Viðar í blöðum á borð við Washington Post og í þungarokks tónlistartímaritunum Revolver og Kerrang. Einnig hefur hún hlotið umfjöllun í British Photo Journal.

Hafsteinn Viðar stundaði nám við Ljósmyndaskólann á árunum 2014-2017.

Bestu kveðjur,

Guðrún Helga Stefánsdóttir

Kynningar- og markaðsstjóri

+354- 411-6343 / 899-6077

gudrun.helga.stefansdottir@reykjavik.is

www.borgarsogusafn.is

 

WP2Social Auto Publish Powered By : XYZScripts.com