Stig Styrmand, Sjálfsmynd. Gallerí 78

Stig Styrmand – Opnun 10.02. hjá Samtökunum 78

Opnun 10.02.2018 kl. 15:00-17:00

Stig Styrmand

Fundin verk

10.02.2018 – 11.04.2018

Stig Styrmand er listamanneskja sem ekki hefur farið hátt í íslenskum listheimum og er óhætt að fullyrða að ekkert þessara verka hafi áður komið fyrir sjónir íslenskra listunnenda á opinberum vetvangi. Enginn veit nákvæmlega hvenær Styrmand fæddist eða hvort hann/hún/hán er á lífi í dag.

Hvernig sem þeim málum er háttað þá komu þau verk sem hér eru sýnd í ljós við upphaf þessa árs við tiltekt í arkævi Ásdísar Óladóttur, eina Íslendingsins sem vitað er til að hafi hitt Styrmand. Fundum þeirra bar saman í Amsterdam við upphaf 10. áratugar 20. Aldar. Á ferð sinni um borgina kom Ásdís auga á manneskju sem gekk milli búðarglugga í miðborginni og tók ljósmyndir af þeim. Vakti þetta forvitni Ásdísar og tóku þau Ásdís og Styrmand tal saman. Varð að samkomulagi þeirra á milli að Styrmand léti framkalla myndirnar og afhenti þær svo viku seinna ef það mætti verða til þess að Ásdís gæti komið verkunum á framfæri við eitthvað af þeim framúrstefnugalleríum sem störfuðu í Reykjavík á þeim árum.

Því miður varð minna úr framkvæmdum en efni stóðu til og að lokum enduðu verkin í skjala kassa og hafa verið þar þangað til núna að ákveðið hefur verið að birta verkin opinberlega.

Eins og sjá má er neyslumenning tíunda áratugar tuttugustu aldarinnar viðfangsefni myndanna og sú mikla ofgnótt varnings og hetrónormatívra fyrirmynda á borð við brúðhjón. En einnig bregður fyrir karlmannlegu myndefni eins og kjötfjalli, rakgræjum, bíldyrum og öðrum varningi.                                                                  

Gallerí 78 / Samtökin 78

Suðurgötu 3
101-Reykjavík

Opið mánudaga til föstudaga 13:00 – 16:00, og eftir samkomulagi

Sýningarstjóri:  Magnús Gestsson

WP2Social Auto Publish Powered By : XYZScripts.com