Midpunkt Sign V2 Copy 1

Steinnunn Gunnlaugsdóttir opnar nýjustu einkasýningu sína, GlópaGull, í Midpunkt

Föstudaginn 13. mars opnar Steinnunn Gunnlaugsdóttir nýjustu einkasýningu sína í Midpunkt. Steinunn er mörgum kunnug fyrir gjörninga og höggmyndir sínar, sem dæmi má nefna Litlu Hafpulsuna sem stóð í Reykjavíkurtjörn veturinn 2018. Verk Steinunnar eru gáskablandin og gagnrýnin á samfélagið í kringum sig. Hún rýnir í og berháttar grunnstoðir siðmenninguna sem þannig verður að efnivið í tilraunir hennar. Þessar tilraunir vinnur hún þvert á miðla og gerir skúlptúra, myndbönd, hljóðverk, teikningar, gjörninga og innsetningar.

Sýningin GLÓPAGULL : ÞJÓÐSAGA samanstendur af tveimur sjálfstæðum verkum sem tengjast í gegnum ólík en skyld vísindaleg ferli sem fara fram á hríðdimmri heiði í grennd við mannabyggðir.

Midpunkt er menningarrými staðsett í Hamraborg, það sérhæfir sig í tilraunakenndri list með alþjóðlegu ívafi og er rekið af Ragnheiði Sigurðardóttur Bjarnarson og Snæbirni Brynjarssyni. Sýning Steinunnar opnar klukkan fimm á föstudaginn 13.mars og er opið allar helgar milli 14-17 til 29. mars.

Fangað ósýnilegt afl flæðir um strengi,
lúðrar vísinda blása til nýrrar galdraveislu,
menn umvafðir strengjum,
kveða á niður óvær tröll,
upp dælt – niður dælt,
myrkt bergið opnast,
hringrásin lekur,
strengur leikur lausum hala – þrengir að.

Steinunn Gunnlaugsdóttir
WP2Social Auto Publish Powered By : XYZScripts.com