E27e4fbb D2d4 40ba B007 0bfbf87c385a

SKÚLPTÚR / SKÚLPTÚR // Sýningarspjall

Næstkomandi sunnudag, 9. október kl. 15, leiða Halla Þórlaug Óskarsdóttir og Kristján Guðjónsson um sýningar Evu Ísleifsdóttur og Sindra Leifssonar í Gerðarsafni. Munu þau ræða sýningarnar út frá sínum túlkunum sem birtast í sýningartextum þeirra um sýningarröðina SKÚLPTÚR / SKÚLPTÚR. Höfundareinkenni og stílbragð kemur fram á skemmtilegan hátt í samræðu við listina.

Hér eru á ferðinni upprennandi pennar sem leggja fram viðbrögð sín við verkum upprennandi listamanna í óhefðbundnum texta. Halla Þórlaug er myndlistarmaður og rithöfundur en eftir hana liggja ljóð, smásögur og flutt útvarpsleikrit. Halla Þórlaug hefur nýverið tekið við sem umsjónarmaður menningarþáttarins Víðsjá. Kristján er heimspekingur, blaðamaður og menningarrýnir og sér um menningarumfjöllun hjá DV. Hann hefur einnig ritað fjölbreyttar greinar og pistla um menningu og samfélagsleg málefni í aðra miðla.

 

WP2Social Auto Publish Powered By : XYZScripts.com