Skuggar í Mjólkurbúðinni Listagili

1625619_992883997388384_8967572686178499687_n

 

Japanska listakonan Hiroko Shitate opnar myndlistasýninguna “Shadowing – work in progress” í Mjólkurbúðinni í Listagilinu á Akureyri, laugardaginn 28.mars kl. 14.

 
Hiroko Shitate er myndlistakona frá Kyoto í Japan. Hiroko er lærð í hefðbundinni japanskri málun þar sem farið er eftir hinum ströngustu reglum þessarar ævafornu listsköpunar. Hiroko kynnist síðar japanskri avant-garde hreyfingu Gutaï (1954-1972) sem enn er mikil áhrifavaldur list í Japan. Hiroko hrífst af því frelsi að skapa óháð stöðlum hefðbundinnar japanskrar listar.
Á sýningunni notar listakonan garn og snýr það með japönskum pappír og fréttablöðum sem hún setur upp í rýminu og hugar að skugga þeirra. Hún segir snúningur garnsins gefa verkunum dularfulla hreyfingu eins og  verum sem elta hver aðra um rýmið í skuggaspili sköpunar.
Hiroko Shitate hefur áður dvalist á Íslandi. Fyrir tveimur árum dvaldist hún á Listamiðstöðinni Nesi á Skagaströnd og heillaðist þá af landi og þjóð. Nú í mars hefur hún dvalið í Gestavinnustofu Gilfélagsins í listagilinu á Akureyri og varð sýningin Shadowing – Work in Progress til í þeirri dvöl.
Hioko hefur sýnt víða í Japan. Hún hefur einnig sýnt í Suður Kóreu, í Þýskalandi, Svíþjóð og á Íslandi.
Sýning Hiroko Shitate í Mjólkurbúðinni stendur aðeins þessa helgi 28.-29.mars og er opið 14-17 báða daga.
11086001_996590523684398_1633158197_n         11082790_996590527017731_1333437900_n

http://hiroko-shitate.sakura.ne.jp/hp/

Mjólkurbúðin Listagili s.8957173

WP2Social Auto Publish Powered By : XYZScripts.com