44835474 1097273377109352 8708405475244244992 O

Skrímslin í skápnum

Skrímslin í skápnum er yfirskrift sýningar Skaða Þórðardóttur í Gallerí 78
frá 15. desember 2018 til 2. febrúar 2019

Þann15. desember kl. 16:00 verður opnuð sýning á verkum fjöllistakonunnar Skaða Þórðardóttur í Gallerí 78. Til sýnis verða málverk og teikningar unninn meðblandaðri tækni.

Verkin á sýningunni eiga það sameiginlegt að vera gerð þegar Skaði var í skápnum eða nýkomin út og var að átta sig á því hver hún væri í raun og veru.

Skaði hefur haldið einkasýningar og tekið þátt í samsýningum bæði hér á landi ogerlendis. Hún hefur víða komið fram og haldið tónleika meðal annars í Hollandi, Þýskalandi og á Íslandi. Á ferli sínum hefur hún flutt frumsamda tónlist og framleitt eigin tónlistarmyndbönd.

Skaði útskrifaðist af listnámsbraut Fjölbrautaskólans í Breiðholti árið 2011. Þremur árum síðar lauk hún BA námi í myndlist frá Konunglega Listaháskólanum í Haag í Hollandi. 

Um verk sín á sýningunni segir Skaði: “Fyrir mér eiga allar myndirnar sína eigin tilveru og næstum sín eigin líf, þar sem allar þær fígúrur sem prýða myndirnar hafa sprottið fram af tilviljun frekar en af ásettu ráði. Þegar ég vinn myndirnar þá er ég í samræðum eða rifrildi við hina duldu veröldundirvitundar.”

Öll velkominn á sýningaropnun þann 15. desember frá kl. 16:00 – 18:00.

WP Facebook Auto Publish Powered By : XYZScripts.com