Borgarsogusafn12

Skógar / Jöklar eftir Takashi Nakagawa

Skógar / Jöklar er yfirskrift nýrrar ljósmyndasýningar sem opnuð verður í Ljósmyndasafni Reykjavíkur föstudaginn 28. ágúst. Verkin á sýningunni eru eftir hinn margverðlaunaða japanska ljósmyndara Takashi Nakagawa.

„Ég fann frosið laufblað einn vetrardag, það glóði í sólskininu á frosnu jökullóni á sunnanverðu Íslandi. Þegar ég leit í kring um mig varð mér hugsað til þess hversu fáir skógar eru á landinu. Ég fékk löngun til að ljósmynda og læra meira um jöklana og skógana þegar ég komst að því að landið var eitt sinn skógi vaxið. Við landnám, fyrir meira en þúsund árum, var 40% landsvæðis þakið skógi en vegna ágangs mannsins urðu skógar aðeins um 1% landsvæðis innan skamms. Fyrir um öld síðan hófst markviss uppgræðsla lands og ræktun skóga sem ná nú yfir um 2% landsvæðis. Á meðan skóglendi eykst hopa jöklar á ógnarhraða og myrkustu spár vísindamanna benda til þess að með sama framhaldi verði engir jöklar eftir á Íslandi eftir 200 ár. Í verkefninu nota ég myndblöndun til að draga fram hið viðkvæma samband skóga og jökla en þessi ólíku landsvæði setja sterkt mark á umhverfið. Það er von mín að myndaröðin vekji athygli á áhrifunum sem hlýnun jarðar hefur á Íslandi sem og heiminn allan.“ – Takashi Nakagawa

Takashi Nakagawa er búsettur í Kyoto, Japan. Hann hefur ferðast til um fimmtíu landa með myndavél í farteskinu. Verk hans hafa birst í alþjóðlegum miðlum og hefur hann unnið til fjölmargra verðlauna svo sem Ferðaljósmyndari ársins hjá tímaritinu National Geographic. Takashi Nakagawa finnur listsköpun sinni helst farveg í ljósmyndun og með innsetningum.

Vinsamlegast að það verður ekkert opnunarhóf. Sýningin stendur til 15. nóvember 2020

WP2Social Auto Publish Powered By : XYZScripts.com