Sjónmennt 2015, útskriftarsýning Myndlistaskólans á Akureyri, opnun kl. 15 laugardaginn 16. maí

Elísabet Ásgrímsdóttir_Ég_er_Elísabet  Sigrún_Birna_Sigtryggsdóttir_Steinhvörf

 

Laugardaginn 16. maí kl. 15 opnar útskriftarsýning Myndlistaskólans á Akureyri undir yfirskriftinni Sjónmennt 2015 en þetta er í fyrsta sinn sem sýningin fer fram í Listasafninu á Akureyri. Nemendurnir hafa lokið þriggja ára námi við sérnámsdeildir skólans og að þessu sinni útskrifast fimm nemendur af fagurlistadeild og átta nemendur sem grafískir hönnuðir. Opnunarhelgina 16. – 17. maí verða nemendurnir á svæðinu og er mögulegt að eiga við þá samtal um verkin.
Á sýningunni má sjá fjölbreytt verk; leturhönnun, málverk, skúlptúra, innsetningar, ímyndasköpun, hljóðverk, vídeóverk og vöruhönnun. Verkin eru mörg persónuleg og innblástur þeirra er m.a. dreginn frá æskuslóðum við Jökulsá á Dal, gömlu handritunum, áhrifum tónlistar á sköpunarferlið, vangaveltum um erfðir og listrænum möguleika á nýtingu grjóts úr Holuhrauni og Vaðlaheiðargöngunum svo fátt eitt sé nefnt.

 

Sýningin stendur til 7. júní og er opin þriðjudaga til sunnudaga kl. 12-17, en frá 2. júní kl. 10-17. Aðgangur er ókeypis.

 

Meðfylgjandi er hópmynd af nemendum ásamt myndum af verkum. Myndir af verkum eru merktar höfundi og svo titli.

 

Sjonmennt2015

WP2Social Auto Publish Powered By : XYZScripts.com