AÐALHEIÐUR2

SÍM GALLERY: Aðalheiður Valgeirsdóttir – Nærmyndir

Myndlistarsýning í SÍM – salnum, Hafnarstræti 16

7. – 22. janúar 2021

Fimmtudaginn 7. janúar 2021 verður opnuð  sýning á nýjum málverkum Aðalheiðar Valgeirsdóttur í sal Sambands íslenskra myndlistarmanna í SÍM húsinu Hafnastræti 16. Sýningin ber yfirskriftina Nærmyndir / Close ups.

Eins og í fyrri verkum sínum leitar Aðalheiður innblásturs í náttúruna og hverful augnablik tímans með tilvísunum í gróður, trjágreinar, lífrænar agnir, vatn, veður og önnur fyrirbæri.  Úrvinnslan rambar á mörkum hins raunverulega og hins huglæga með áherslu á yfirborð, undirlög, áferð, lit og birtu. Forgengileiki og endurtekning eru túlkuð með aðferðum málverksins þar sem litur er borinn á ýmist þunnt eða þykkt, hann skafinn burt, málað yfir, krafsað í eða teiknað í endurtekinni hrynjandi oft í mörgum lögum. Verkin eru ólík innbirðis sem undirstrikar fjölbreytileikann. Allt kemur þó heim og saman í sameiginlegu rými heildarinnar.  

Aðalheiður er myndlistarmaður og sjálfstætt starfandi listfræðingur.  

Hún hefur haldið fjölda einkasýninga m.a. í Gerðarsafni, Ásmundarsal og Hallgrímskirkju og tekið þátt í samsýningum hér á landi og erlendis. Hún hefur unnið ýmis verkefni á sviði listfræði, sem kennari, greinahöfundur og verið sýningarstjóri sýninga í söfnum og galleríum. Aðalheiður býr í Reykjavík og í Biskupstungum þar sem hún hefur vinnustofu. Málverkin eru unnin á mörkum hins hlutlæga og huglæga í beinum tengslum við náttúruna og síbreytilegar birtingarmyndir hennar allan ársins hring.

Á opnunardaginn verður sýningin opin frá kl. 14:00-19:00.

SÍM –  salurinn er opinn frá 10-16 alla virka daga.

Nánari upplýsingar veitir Aðalheiður Valgeirsdóttir

Gsm 6981184

ava@mmedia.is

WP2Social Auto Publish Powered By : XYZScripts.com