7e5f3535 9074 48f2 B8cf 0e0736d0e24e

Síðustu dagar sýningarinnar Einskismannsland og sunnudagsleiðsögn 30.09. á Kjarvalsstöðum

Síðustu dagar sýningarinnar Einskismannsland – Ríkir þar fegurðin ein? og sunnudagsleiðsögn með safnstjóra 30. september kl. 15.00 á Kjarvalsstöðum

Sýningunni Einskismannsland – Ríkir þar fegurðin ein? lýkur sunnudaginn 30. september á Kjarvalsstöðum og í Hafnarhúsi.

Með listsköpun sinni hafa myndlistarmenn haft mótandi áhrif á tengsl manna við umhverfi sitt jafnframt því sem verk þeirra endurspegla tíðaranda og samfélagsþróun. Á sýningunni er sjónum beint að verkum sem endurspegla tengsl Íslendinga við víðerni landsins og breytilegt verðmætamat gagnvart náttúrunni. Sýningin er tvískipt, sögulegur hluti hennar er á Kjarvalsstöðum en verk eftir listamenn 21. aldarinnar sýnd í Hafnarhúsi.

Síðasta sýningardag verður sunnudagsleiðsögn kl. 15.00 á Kjarvalsstöðum þar sem Ólöf K. Sigurðardóttir, safnstjóri Listasafns Reykjavíkur, leiðir gesti um sögulegan hluta sýningarinnar. Þar er að finna málverk eftir 15 valinkunna listamenn af víðernum landsins auk ljósmynda, skissa og kvikmynda frá hálendinu.

Sýningin er hluti af Listahátíð í Reykjavík 2018 og hluti af 100 ára afmæli fullveldis þjóðarinnar.

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.

WP2Social Auto Publish Powered By : XYZScripts.com