Gerdarsafn

Síðasti sýningardagur – Leiðsögn um Ó, hve hljótt

Verið velkomin á leiðsögn um sýninguna Ó, hve hljótt sunnudaginn 31. mars kl. 15 en leiðsögnin markar jafnframt lokadag sýningarinnar.

Sýningin Ó, hve hljótt samanstendur af völdum kvikmyndum, hljóð- og vídeóverkum eftir bæði íslenska og alþjóðlega samtímalistamenn. Þó að verkin kunni að vera af ólíkum toga, í stíl eða efnistökum, eiga þau það sammerkt að bera með sér yfirvegaða kyrrð og djúpstæða friðsæld, líkt og sýningartitillinn gefur til kynna.

Hádegishlé / Lunchtime – Jean-Luc Vilmouth

Leiðarljós sýningarinnar er að veita innsýn í samruna tónlistar og kvikmynda í listsköpun samtímans. Hvort sem unnið er með tónlist, söng, upplestur eða hljóð, felur hljómur verkanna í sér leik að tungumáli, tali og hlustun. Listamennirnir skapa hljóðinnsetningar sem eru settar upp sem rými upplifunar, tónlist eins og við sjáum hana, hvort sem um er að ræða óm frá lagi, skerandi hávaða eða tónlist. Önnur verk byggja á handriti að óhlutbundinni hljóðmynd.

Verk listamannanna Doug Aitken, Charles de Meaux, Dominique Gonzalez-Foerster, Pierre Huyghe, Ange Leccia, Romain Kronenberg, Jean-Luc Vilmouth og Lornu Simpson, úr safneign CNAP – miðstöðvar myndlistar í Frakklandi, bera vitni um auðgi og margbreytileika franskrar kvikmyndasköpunar. Þau kallast á við verk eftir þrjá af fremstu vídeólistamönnum Íslands, þau Steinu, Doddu Maggý og Sigurð Guðjónsson. Sýningarstjórn: Pascale Cassagnau, CNAP & Gústav Geir Bollason, Verksmiðjan á Hjalteyri. Með stuðningi  Berg Contemporary, Reykjavík

WP2Social Auto Publish Powered By : XYZScripts.com