Kristjan Steingrimur 1

Samtal – sýning Kristjáns Steingríms Jónssonar í Safnaðarheimili Neskirkju

Þann 7. janúar næstkomandi að lokinni messu kl. 12:10 fer fram samtal um verk Kristjáns Steingríms Jónssonar í Safnaðarheimili Neskirkju.

Tilefnið er sýning Kristjáns Steingríms sem nú stendur yfir í Safnaðarheimilinu, en á sýningunni eru málverk og teikningar sem unnin eru úr jarðefnum og jarðögnum frá Betlehem og Fæðingarkirkjunni. Sýning Kristjáns Steingríms stendur til 11. febrúar.

“Líf á jörðinni endar sem jarðvegur sem verður nokkurs konar gagnagrunnur um tilvist okkar. Þannig skráir tíminn söguna í efnið og um leið atferli mannsins og samband við náttúruna. Að draga efni frá ákveðnum stað upp á striga er tilraun til að skapa efnislega nánd milli staðarins og áhorfandans. Verkunum er ætlað að framkalla hughrif og um leið hvetja áhorfandann til að taka afstöðu til staðarins og málefnum sem honum tengjast. Þegar mér var boðið að sýna í safnaðarheimili Neskirkju á aðventunni fannst mér liggja beinast við að leggja land undir fót og halda til Betlehem. Kanna þann helga stað og færa brot af honum inn í kirkjuna.

–Kristján Steingrímur, úr texta í sýningarskrá

WP2Social Auto Publish Powered By : XYZScripts.com