Hola Andrea Ágústa Streymi

Rúmelsi #3 í Nýlistasafninu: Ekkisens – Streymi

Myndlistarkvendin Andrea Ágústa Aðalsteinsdóttir, Freyja Eilíf, Heiðrún Viktorsdóttir, Sigthora Odins verða með opnunarathöfn á sýningunni STREYMI í Nýlistasafninu, föstudaginn 14. desember 20:00 – 22:00. Boðið verður upp á hugvekjandi brjóstbirtu meðan veigar endast. 

Sýningin er þriðji partur af sýningaröð safnsins “Rúmelsi” þar sem áhersla er lögð áfrumkvæði listamanna og er Streymi sýningarviðburður Ekkisens í sýningaröðinni.Opið verður þessa einu helgi, laugardag og sunnudag 12:00 – 17:00. 

Stream-spirit-puddle-power er óformlegt heiti á kollektífi myndlistarkvennanna sem hafa streymt saman í lífi og starfi frá árinu 2016. Listrænar rannsóknir þeirra eru fasafléttur sem leiða saman snúrur úr heimum myndlistar, frumefna, fjölvíddar og fjölkynngis. Fljótandi samstarf þeirra spannar t.a.m. sýningarstjórn og verk á Fjöltengi (2015), Kynleikum (2015), Stream in a puddle (Tallinn Art Week, Eistlandi 2016), Computer Spirit (Tromsö, Noregi 2018) og útgáfu á tímaritinu Listvísi (2015- ). Í gegnum sýningarstörf í Ekkisens lá leið hópsins í Streymi saman og úr varð seiðsystrateymi sem nú hefur spannað af sér tveggja ára samtal.

STREYMI er rúmelsi, sem á sér stað í vernduðu millirými, hlöðnu upp með gerningarverkum sem kynna starfsemi Ekkisens á huglægan hátt. Fyrir rúmelsið hafa seiðsysturnar Freyja Eilíf, Andrea Ágústa Aðalsteinsdóttir, Heiðrún Viktorsdóttir og Sigthora Odins tengt saman rásir sínar og dregið upp hring. Rúmelsið þeirra er almynd úr orkumynstri og þráðum sem eru spunnir úr samstilltu hugðarefni.

Verið velkomin!


Verk: 
Hola, ljósmynd eftir Andreu Ágústu Aðalsteinsdóttur á 35 mm filmu. 

Viðburður á facebook.

WP2Social Auto Publish Powered By : XYZScripts.com