IMG 6930

RÖSK listahátíð í Hrísey

Föstudaginn 3. ágúst kl. 17 hefst listahátíð RÖSK við Sæborg samkomuhús í Hrísey.

12 listamenn sýna verk sín og verður gengið á milli listaverkanna sem flest eru til sýnis utandyra og eru í ýmsum listformum, m.a. skúlptúrar, málverk, dans, gjörningur og tónlist. Með þessari listahátíð eru RÖSK listhópurinn að ljúka dvöl sinni í Hrísey þar sem RÖSK hefur dvalisti við vinnu sína og haldið listasmiðjur fyrir börn og fullorðna við góðar undirtektir. Hátíðin fer fram þetta kvöld og standa listaverkin til sýnis alla næstu vikuna á eftir og eru allir hjartanlega velkomnir.

Listamenn:

Brynhildur Kristinsdóttir

Dagrún Matthíasdóttir

Jónborg Sigurðardóttir – Jonna

Thora Karlsdóttir

Ívan Mendes

Hekla Björt Helgadóttir

Aðalsteinn Þórsson

Inga Höskuldsdóttir

Steinunn Matthíasdóttir

Helga Björg Jónasardóttir

Snorri Ásmundsson

Yuliana Palacios

 

RÖSK Listhópurinn samanstendur af 4 myndlistakonum sem eru starfandi á Akureyri. Þær eru Brynhildur Kristinsdóttir, Dagrún Matthíasdóttir, Jónborg Sigurðardóttir -Jonna og Thora Karlsdóttir. RÖSK hefur vakið verðskulda athygli í Listagilinu á Akureyri með ýmis listaverk, sýningar, barnasmiðjur, gjörninga, skúlptúra og þátttökuverk á hátíðum Akureyrarbæjar, á Listasumri, Jónsmessuhátíð og Akureyrarvöku síðustu ár.

Hér má sjá heimasíðu hópsins: https://sites.google.com/site/rosklisthopurinn/

WP Facebook Auto Publish Powered By : XYZScripts.com