IMG 8641 1

Opnun sýningarinnar MÉR ER UM OG Ó í Gallerí Gróttu, Eiðistorgi

Hjartanlega velkomin(n) á opnun sýningarinnar „MÉR ER UM OG Ó“ fimmtudaginn 4. Júní kl. 17.00

Solveig er fædd 1970 í Reykjavík.  Hún stundaði B.A. nám við Myndlistardeild LHÍ 2007-2010 og útskrifaðist með meistaragráðu frá sama skóla árið 2015. Solveig hefur verið virkur myndlistarmaður allar götur síðan.  ,,Mér er um og ó” er hennar 3ja einkasýning.   Meðfram myndlistarnáminu hefur Solveig fengist við grunnskólakennslu og leiðsögn ferðamanna.

Solveig Thoroddsen

Þjóðsögurnar hafa fylgt mér síðan ég var lítil stúlka sem gróf sig ofan í þær og las spjaldanna á milli. Sem fullorðinn myndlistarmaður hefur myndlist mín gjarnan haft femínískar tilvísanir og hef ég einblínt á þau sjónarhorn, út frá mér sem konu. Í íslensku þjóðsögunum má alveg fullyrða að hlutur kvenpersóna er áberandi. Þær eru ástsjúkar, trylltar, dulmagnaðar, örvæntingafullar, blíðar, sterkar, klókar og úrræðagóðar.  Þær eru gerendur og miklir örlagavaldar, í eigin lífi og annarra. Þær birtast einnig sem fórnarlömb þjóðfélagslegra aðstæðna og viðmiða, en undartekningarlaust bregðast þær við þeirri stöðu sinni á áhrifaríkan hátt.

Hér er fjallað um nokkrar af þekktustu þjóðsögum okkar, s.s. ,,Móðir mín í kví, kví” og ,,Miklabæjar-Solveig” en einnig gerði ég mér mat úr lítt kunnari sögnum, en forvitnilegum eins og ,,Björn á börn” og ,,Brauðið er vætt í blóði”.

Verkefnið er styrkt af Myndlistarsjóði.

Velkomin(n) á sýninguna „MÉR ER UM OG Ó“ í Gallerí Gróttu, sýningarsal á Bókasafni Seltjarnarness 2. hæð á Eiðistorgi. ATH! Að gefnu tilefni minnum við á að allar sóttvarnareglur eru í heiðri hafðar samkvæmt tilmælum sóttvarnalæknis. Handspritt er við alla innganga, gestir eru hvattir til að virða tveggja metra regluna eins og kostur er og ekki verður boðið upp á veitingar.

WP2Social Auto Publish Powered By : XYZScripts.com