Ragnheidur Karadottir 2

Opnun í Harbinger — Ragnheiður Káradóttir

Utan svæðis
Ragnheiður Káradóttir
8.9. — 29.9.2019
opnun kl. 17 þann 8.9.

Laugardaginn 8. september kl 17 opnar einkasýning Ragnheiðar Káradóttur, ‘Utan svæðis’ í Harbinger sýningarými. Sýningin stendur til 29. september. Allir hjartanlega velkomnir!

Ragnheiður Káradóttir (f.1984) býr og starfar í Brooklyn, New York. Hún útskrifaðist með BA gráðu í myndlist frá Listaháskóla Íslands árið 2010 og lauk meistaranámi í myndlist vorið 2016 frá School of Visual Arts í New York. Ragnheiður hefur tekið þátt í fjölda sýninga bæði hér á landi sem og erlendis og er annar helmingur listatvíeykisins Lounge Corp., sem miðar að því að sýna myndlist í óhefðbundnum rýmum.

Innsetning Ragnheiðar í Harbinger er áframhald af því sem hún hefur verið að gera og þróa síðustu ár, samtal milli óræðra og skrýtilegra skúlptúra sem bjóða áhorfandanum að mynda sínar eigin tengingar og skilning. Í verkum Ragnheiðar á sér stað einhverskonar rof á veruleikanum á látlausan, nákvæman og dulúðugan hátt. Í verkum sínum notar Ragnheiður hversdagsleg efni og hluti, sem í meðförum hennar taka sér torkennileg hlutverk. Samskeyting kunnuglegra forma og efna mynda framandi hluti sem vísa í ólíkar áttir, nytjahlutir eru settir í nýjan búning og dauðir hlutir persónugerðir.

Sýningin er styrkt af: Launasjóði listamanna, Kjaran ehf. og Húsasmiðjunni.

Sýningin er hluti af sýningadagskránni Við endimörk alvarleikans sem er styrkt af Myndlistarsjóði. Sýningastjórar eru Halla Kristín Hannesdóttir og Steinunn Önnudóttir.

http://ragnheidurkaradottir.com/
https://loungecorp.fyi/

Opnunartímar Harbinger eru þriðjudaga-föstudaga frá 12-17 og laugardaga frá 14-17

WP2Social Auto Publish Powered By : XYZScripts.com