Thibault

Opinn fyrirlestur í Hönnunar – og arkitektúrdeild Listaháskóla Íslands á morgun, fimmtudaginn 21.mars kl. 12:15

AATB
Objects not quite yet alive but also not dead
Listamannatvíeykið AATB mun halda fyrirlestur á morgun, fimmtudag 21. mars klukkan 12:15 í húsi Hönnunar- og arkitektúrdeildar að Þverholti 11, fyrirlestrarsal A.

AATB er samstarfsverkefni Andreu Anner og Thibault Brevet sem útskrifuðust bæði frá ECAL og starfa sem stendur í Zurich og Marseille. AATB heimsækja Hönnunar- og arkitektúrdeild Listaháskóla Íslands nú í mars til að kenna nemendum í vöruhönnun og grafískri hönnun ásamt því að halda fyrirlestur um verk sín og rannsóknir.

Eftir að hafa unnið áður með gagnvirka hluti og innsetningar komst listamannatvíeykið AATB fyrir þremur árum í kynni við vélmennaarm sem notaður hafði verið í verksmiðjum. Vélmennaarmurinn féll vel að rannsóknum þeirra sem snéru að því að skoða tengsl manna og véla, og leiddi þau jafnframt að því að rannsaka möguleika vélmenna og sjálvirks iðnaðar utan veggja verksmiðjunnar.

Verk AATB tengjast framleiðsluferlum og skilningi á þeim, allt frá hugbúnaðarframleiðslu, rafeindatækjum og til vélaverkfræði. Þau skoða miðlun og aðlögun vélmenna í hversdagslegu samhengi og rannsaka á gagnrýnin hátt nýjar aðstæður sem verða til við þær breytingar sem vélmenni hafa á líf okkar.

Fyrirlesturinn fer fram á ensku, ókeypis aðgangur og allir velkomnir!

WP Facebook Auto Publish Powered By : XYZScripts.com