Listaháskólinn

Opinn fyrirlestur hjá LHÍ á föstudag

Þolmörk  4 –  Bergur Ebbi 

Gestur okkar í Þolmörkum að þessu sinni er Bergur Ebbi. Erindi Bergs fer fram í fyrirlestrarsal A, Þverholti 11 föstudaginn 7. febrúar klukkan 12:15 og verður á íslensku

Allir hjartanlega velkomnir á meðan húsrúm leyfir!

Staðal jaðar

Í erindi sínu fjallar Bergur Ebbi um þolmörk í margvíslegum skilningi en einkum með tilliti til hagsmuna. Hvaða hagsmunaöfl ráða för í verkum listamanna og framsetningu hugmynda? Hvað þarf að gera til að ganga fram af okkur og skiptir máli að samfélagsgerðin er nú þannig að sérhver frammistaða fær einkunn, umsögn og flokkun?

Bergur Ebbi er rithöfundur, ljóðskáld og ritgerðarsmiður, með fjölþættan bakgrunn úr heimi lista, akademíu og viðskipta. Meðal umfjöllunarefna í verkum Bergs Ebba er tæknisaga og áhrif hennar á sjálfsmynd fólks, stjórnmál, valdajafnvægi, breytt heimsmynd, tíska og tíðarandi. Bergur Ebbi er lögfræðingur frá Háskóla Íslands og með MDes gráðu í Strategic Foresight and Innovation frá OCAD Háskólanum í Toronto í Kanada auk þess að leggja stund á lögfræði og listasögu við Université de Cergy Pontoise í París. Meðal verka Bergs Ebba eru bækurnar Stofuhiti (2017) og Skjáskot (2019). ÞOLMÖRK

Skólaárið 2019-2020 fer af stað ný fyrirlestrarröð þar sem allar fimm deildir Listaháskóla Íslands og nemendaráð vinna saman. Fyrirlestrarröðin, sem gengur undir nafninu Þolmörk, er tilraun til að opna á samlegðaráhrif milli ólíkra listgreina og skapa þannig þverfaglegan umræðuvettvang fyrir nemendur, starfsfólk háskólans og aðra áhugasama.

WP2Social Auto Publish Powered By : XYZScripts.com