Deiglan

“Only the cold air can wake me” – Deiglan, Akureyri 26. október kl. 14 – 17

Verið hjartanlega velkomin á opnun CANDICE ALMALIZA SELKIE “Only the cold air can wake me” / „Aðeins kalda loftið getur vakið mig” í Deiglunni á Akureyri laugardaginn 26. október kl. 14 – 17. Einnig opið sunnudag kl. 14 – 17, léttar veitingar í boði. 

Gestalistamaður Gilfélagsins, Monade Li mun sýna þrjú tilraunakennd myndbandslistaverk í Deiglunni um helgina. Tvö þeirra eru óður til myndarinnar Persona eftir Ingmar Bergman: Candice (10mín) og Almaliza (5 mín) sem eru teknar upp á Íslandi og Frakklandi árin 2014 – 15. Monade Li sýnir frá myndbreytingu þriggja kvenna. Þriðja myndbandsverkið er The Selkie (8mín) sem Monade Li hefur verið að klippa í gestavinnustofu Gilfélagsins og verður sýnt í fyrsta skiptið um helgina. The Selkie er byggð á þjóðsögunni um selkonuna og fjallar um vilja kvenpersónunnar til að ná til sjávar og verða aldrei aftur kona… verður það endalok myndbreytingarinnar?

Monade Li er arkítekt og kvikmyndagerðarkona sem býr og starfar í París í Frakklandi. Fyrsta stuttmyndin hennar, „Diatomée“ var tekin neðansjávar í dagsljósi og breyttist í „corps-métrage“ (Líkamsmælingu). Svo kom út „Claire Obscure“, tekin neðansjávar á nóttunni og „Malojá“, mynduð við sjávarströnd. Fjórða kvikmynd hennar „Candice“ var óður til Ingmar Bergman myndarinnar  „Persona“ og var tekin upp á Íslandi og  kynnt á Festival «Air d’Islande» í febrúar 2015 í París. „Almaliza“, fyrsta kvikmyndasamstarf hennar við Hipstoresk, sem er franskur ljósmyndari; var í alþjóðlegu stuttmyndakeppninni á FNC í Montreal árið 2015 og var sýnd í Berlín árið 2016. Meðan hún dvaldi árið 2016 í gestavinnustofu ArtsIceland á Ísafirði vann hún að tilraunakenndri stuttmynd sem ber heitið „Hollie“, og var óður til málarans Georgs Guðna og byggir á „Götuljóð” eftir íslenska rithöfundinn Sigurð Pálsson. Árið 2018 kynnti hún nýja stuttmynd sem heitir „Percival’s Perceived Pebble”; þar leikstýrir hún í fyrsta sinn í samvinnu við enska kvikmyndagerðarmanninn Paul Hill. Monade Li er um þessar mundir að kynna nýja stuttmynd sína sem kallast „The Selkie“, byggð á þjóðsögunum um selkonur og formála „Percival’s Perceived Pebble“. Hún vann The Selkie í gestavinnustofu Gilfélagsins og hún verður frumsýnd núna um helgina.

Candice Almaliza Selkie

Monade Li mun sýna tvær stuttmyndir og halda fyrirlestur um verk sín í Listasafninu á Akureyri á þriðjudaginn, 22. október kl. 17. Aðgangur ókeypis og öll velkomin. 

WP2Social Auto Publish Powered By : XYZScripts.com