óljós þrá

ÓLJÓS ÞRÁ – sýningarlok

Velkomin á lok einkasýningarinnar ÓLJÓS ÞRÁ sunnudaginn 12. júní kl 15:00 í Grafíksalnum að Tryggvagötu 17 (snýr að höfninni)

Léttar veitingar.

Jóna Hlíf sýnir ný verk unnin á árunum 2015 og 2016. Í forgrunni eru textaverk og skúlptúrar byggð á ýmsum minnum um tímann og veðrið. Samspil texta, efnis og áferðar mynda margradda frásögn um varanleikann, breytileikann og spennuna milli stóru myndarinnar og þess hversdagslega og einfalda.

Jóna Hlíf Halldórsdóttir (f. 1978) útskrifaðist frá fagurlistadeild Myndlistaskólans á Akureyri 2005, lauk MFA-gráðu frá Glasgow School of Art í Skotlandi 2007 og MA-gráðu í listkennslu frá Listaháskóla Íslands 2012. Jóna Hlíf hefur starfað og sýnt verk sín hér heima og erlendis en allar upplýsingar um starfsemi hennar á liðnum árum eru fáanlegar á vefsíðunni www.jonahlif.is. Samhliða listsköpun starfar Jóna Hlíf sem formaður Sambands íslenskra myndlistarmanna og er stundakennari hjá Myndlistarskólanum á Akureyri og Listaháskóla Íslands.

Sýningin mun standa til og með 12. júní – opið verður laugardaga og sunnudaga frá kl. 14 til 17.

WP2Social Auto Publish Powered By : XYZScripts.com