Download (3)

Ó, dýra líf – Sýning Jónínu Guðnadóttur í Malarrifsvita

Opnunarhátíð vegna innsetningar Jónínu Guðnadóttur, „Ó, dýra líf“, verður í Malarrifsvita föstudaginn 29. júní kl. 16:00, og hefst með söng og þjóðlegum veitingum.

Sýningin verður opin daglega frá kl. 12:00 til 16:30 frá 30. júní til 2. september. Enginn aðgangseyrir, en vitinn er við þjónustumiðstöð þjóðgarðsins skammt frá Lóndröngum.

Innsetningin er samsett úr um 100 hlutum. Hún er á 5 hæðum og verður einfaldari eftir því sem ofar dregur. Í anddyri byrjar smá-forspil þar sem ég leik mér að því sem gjarnan rekur á fjöru í nágrenni vitans, þar eru m.a. pétursskip og ígulker. Á annari hæð eru hugleiðingar um lífið í sjónum sem heldur svo áfram upp á 3. h., fjaran tekur þá við og svo koll af kolli, og endar á himninum með ránfuglum sem eru einkenni þessa svæðis.

Magnað umhverfi er hvert sem augað eygir og gönguleiðir í allar áttir. Það er því er hægt að eiga innihaldsríka og góða dvöl á Snæfellsnesi, njóta menningar, náttúru og annars sem þessi einstaki staður býður upp á.

Allir velkomnir.

 

WP Facebook Auto Publish Powered By : XYZScripts.com