MG 0677

Ó, dýra líf – Sýning Jónínu Guðnadóttur í Malarrifsvita

Tvær helgar eru nú eftir af sýningartíma innsetningar Jónínu Guðnadóttur Ó, dýra líf í vitanum á Malarrifi. Lokadagur er sunnudaginn 2. september. Opnunartími er kl 12 til 16:30 alla daga.

Innsetningin er samsett úr um 100 hlutum. Hún er á 5 hæðum og verður einfaldari eftir því sem ofar dregur. Í anddyri byrjar smá-forspil þar sem leikið er með það sem gjarnan rekur á fjöru í nágrenni vitans, þar eru m.a. pétursskip og ígulker. Á annari hæð eru hugleiðingar um lífið í sjónum sem heldur svo áfram upp á 3. h., fjaran tekur þá við og svo koll af kolli, og endar á himninum með ránfuglum sem eru einkenni þessa svæðis.

Magnað umhverfi er hvert sem augað eygir og gönguleiðir í allar áttir. Það er því er hægt að eiga innihaldsríka og góða dvöl á Snæfellsnesi, njóta menningar, náttúru og annars sem þessi einstaki staður býður upp á. Mjög góð aðsókn verið á sýninguna sem hefur hlotil lofsamlega umfjöllun.

Missið ekki af athyglisverðri innsetningu á einstökum stað.

WP2Social Auto Publish Powered By : XYZScripts.com