Black Marrow CR Proud Mother Pictures E1424778718852 1260×476 300×113

Næstu dagar á Listahátíð – tónlist, dans. ljóð, myndlist

Black-Marrow_CR_Proud-Mother-Pictures-e1424778718852-1260x476

Listahátíð í fullum gangi og næstu daga eru á dagskrá tónlistarviðburðir, dans, ljóð og myndlist.

21. maí @Listasafn Reykjavíkur kl. 17:00 – Áfangar
22. maí @Týsgallerí kl. 17:00 – Hvirfill
22. maí @Listasafn Íslands kl. 18:00 – SAGA
22. maí @Harpa kl. 19:30 – Peter Grimes, kaupa miða
23. maí @Mengi kl. 21:00 – Bára Gísladóttir, kaupa miða
24. maí @Vatnasafnið kl. 20:00 – Bára Gísladóttir, kaupa miða
25. maí @Borgarleikhúsið kl. 20:00 – Blæði, kaupa miða… örfáir miðar eftir!
26. maí @Gamla bíó kl. 20:00 – Ósómaljóð, kaupa miða… örfáir miðar eftir!

Í dag, fimmtudag 21. maí
Í Listasafni Reykjavíkur opnar sýningin Áfangar. Á þessu ári er aldarfjórðungur síðan umhverfisverkið Áfangar var sett upp í Vesturey Viðeyjar. Höfundur verksins Richard Serra er einn virtasti myndlistarmaður samtímans. Á sýningunni eru teikningar og grafísk verk sem Serra gerði í tengslum við verkið auk kvikmyndar og ljósmynda frá uppsetningu þess. Áfangar eru umhverfislistaverk og setja sterkan svip á ásýnd eyjunnar og umhverfi.
Meira um sýninguna.

Föstudagur 22. maí
Í Týsgallerí opnar sýningin Hvirfill eftir Kari Ósk Grétudóttir Ege, en hún útskrifaðist frá Myndlistadeild Listaháskóla Íslands 2007. Frá útskrift hefur hún tekið þátt í samsýningum, sinnt ritstörfum, numið listfræði og kennt myndlist. Hvirfill.

SAGA er sýning sem opnar í Listasafni Íslands og þar má sjá valin verk fjölda íslenskra samtímamyndlistamanna auk nokkurra erlendra er endurspegla frásagnarþáttinn í íslenskri sjónmenningu. Sýningin varpar ljósi á menningu þjóðar, frá innstu hugarfylgsnum til pólitískra átaka. Sjáðu hér hvaða listamenn eiga verk á sýningunni.

Óperan Peter Grimes eftir Benjamin Britten verður frumflutt á Íslandi í Eldborg í Hörpu en hún er talin til helstu verka óperubókmenntanna og er reglulega á fjölum helstu óperuhúsa heims. Tónlistin er lagræn og aðgengileg, seiðandi og kraftmikil og sækir innblástur sinn í ólgandi Atlantshafið. Hún er ýmist gamansöm eða hádramatísk og lýsir vel fárviðri tilfinninganna sem magnast í kringum skipstjórann ógæfusama.  Meira um Peter Grimes hér. 

Laugardagur 23. maí
Bára Gísladóttir, tónsmiður og kontrabassaleikari, kemur fram í Mengi ásamt kammerhópnum Náttey. Á dagskrá eru sex verk eftir Báru frá árunum 2014-2015. Verkin eru samin fyrir mismunandi samsetningar klarinettu, saxófóns, kontrabassa og rafhljóða. Í tónlistinni er leikið með framlengda hljóðheima og tækni ásamt samspili hljóðræns og sjónræns tjáningaforms. Meira um tónleika Báru. 

Sunnudagur 24. maí
Tónleikar með Báru Gísladóttir í Vatnasafninu, Ólík þök. Tónleikarnir innihalda ýmis verk fyrir kontrabassa með eða án rafhljóða. Í tónlistinni er leikið með framlengda hljóðheima og tækni ásamt samspili hljóðræns og sjónræns tjáningaforms. Verkin á tónleikunum, sem skrifuð eru sérstaklega fyrir Listahátíð, eru byggð á þökum mismunandi borga. Meira um Ólík þök.

Mánudagur 25. maí
Blæði: obsidian pieces,   Fréttablaðið.
Blæði, var frumsýnt 19.maí við gríðarlega góðar undirtektir áhorfenda og gagnrýnenda. Blæði er einstakt danskvöld þar sem sýnd eru verk eftir þrjá heimsþekkta samtímadanshöfunda, þau Damien Jalet, Ernu Ómarsdóttur og Sidi Larbi Cherkaoui, en þetta er jafnframt í fyrsta sinn sem verk hans er flutt á Íslandi. Það er Íslenski dansflokkurinn sem sýnir. Meira um Blæði.

Þriðjudagur 26. maí
Megas og Skúli Sverrisson, ásamt hljómsveit, frumflytja Ósómaljóð Þorvalds Þorsteinssonar í heild sinni. Flestir þekkja Þorvald sem leikskáld, rithöfund og myndlistarmann en færri vita að í honum bjó einnig tónskáld. Nú gefst einstakt tækifæri til að hlýða á tvo af ástsælustu og virtustu tónlistarmönnum þjóðarinnar flytja lögin hans. Sjáðu hverjir eru í hljómsveitinni.

WP2Social Auto Publish Powered By : XYZScripts.com