MÁNUÐUR MYNDLISTAR ER VETTVANGUR TIL AÐ KYNNA STARF MYNDLISTARMANNA FYRIR ALMENNINGI, GERA FAGIÐ AÐGENGILEGRA ÖLLUM ÁSAMT ÞVÍ AÐ AUKA UMRÆÐU UM MYNDLIST OG MYNDLISTARMENN.

​

​

Mánuður myndlistar er fræðsluverkefni sem haldið er á vegum Sambands íslenskra myndlistarmanna í október ár hvert. Verkefninu er ætlað að fræða almenning, þá helst aðila á grunn- og framhaldsskóla aldri, um störf og starfsumhverfi myndlistarmanna sem og eðli fagsins. Einn veigamesti hluti starfsins eru skólakynningar myndlistarmanna í grunn- og framhaldsskólum víðsvegar um landið. Kynningarnar hafa gefist vel og orðið árviss viðburður í mörgum skólum.

 

 

SKÓLAKYNNINGAR 2022:

Einn stærsti liður Mánaðar Myndlistar er að bjóða grunn- og framhaldsskólum víðs vegar um landið upp á skólakynningar. Þá heimsækja myndlistarmenn skólana og kynna starf sitt, starsferil og verkefni. Með þessum hætti er von um að vekja athygli barna og ungmenna á tilurð myndlistar í íslenskri menningu og sömuleiðis að opna augu þeirra fyrir möguleikum á skapandi framtíðarstarfi. Skólakynningarnar hafa verið vel sóttar og fjöldi skóla sækir um, verkefnið reynir eftir fremstu getu að bjóða öllum upp á kynningu sama hvar skólar eru staðsettir um landið.

​

 

Lokað hefur verið fyrir umsóknir um skólakynningar 2022

 

Leiðbeiningar fyrir myndlistarmenn  (Sjá pdf MM-Tékklisti-Listamenn)

 

Leiðbeiningar fyrir skóla (Sjá pdf MM-Tékklisti-Skólar)