þrividdarprentari3

Myndlistaskólinn í Reykjavík: Þrívíddarprentun í leir – Námskeið

Þann 17. maí hefst stutt en hnitmiðað námskeið í þrívíddarprentun í leir í Myndlistaskólanum í Reykjavík. 

Á námskeiðinu, sem stendur yfir í sjö kennsludaga, munu þáttakendur tileinka sér undirstöðuþekkingu við notkun leirþrívíddarprentara en Myndlistaskólinn er eini skólinn á landinu sem býður uppá kennslu í þrívíddarprentun í leir.  Kynntur verður ýmis hugbúnaður til tölvuteikningar ásamt þjálfun í notkun þeirra til að vinna áfram eigin hugmyndir. 

Námskeiðið er ætlað fólki sem er þegar með undirstöðu í tölvuteikningu og hentar því vel starfandi listamönnum og hönnuðum sem vilja prufa nýjan miðil. Prentararnir eru byggðir á „Open source“ kerfi sem allir geta kynnt sér betur í framhaldi og jafnvel smíðað sína eigin prentara. 

Þátttakendur fá að taka með sér heim prentaða hluti í lok námskeiðs að hrábrennslu lokinni. 


Kennari er myndlistarkonan María Sjöfn Dupuis Davíðsdóttir sem hefur nýtt sér þrívíddarprentun í verkum sínum. 

Í maí býður Myndlistaskólinn einnig upp á stutt námskeið í módelteikningu og leirrennslu. Nánari upplýsingar má finna á mir.is. 

https://www.facebook.com/watch/?v=755756788446143

WP2Social Auto Publish Powered By : XYZScripts.com