Midpunkt

Midpunkt: Afmæli fagnað með vídjólist

Þann 24. Október nk kl 20:00 mun Midpunkt halda upp á að menningarrýmið hafi verið rekið í eitt ár. Veislan verður haldin í Bíó Paradís þar sem sýnd vera vídeó verk þeirra listamanna sem hafa komið fram í Midpunkt á síðast liðnu ári. Sýningin mun standa yfir í 90 mínútur og ókeypis inn. Midpunkt er nýjung við listamannarekin sýningarrými á höfðuborgarsvæðinu. Það er staðsett í Hamraborg 22, Kópavogi, eitt fárra listamannarekna sýningarrýmið sem ekki er innan 101 Reykjavíkur.

Jeanette Castioni og Þuríður Jónsdóttir voru fyrstu gestir en sýning þeirra Efahljómur var haldin í samstarfi með listahátíðinni Cycle. Meðal þess sem stendur upp úr á árinu er Pólsk-Íslenska listahátíðin Ágústkvöld sem haldin var síðla sumars, Almar S. Atlason skar upp hrærivél um vorið, Katrín I. Hjördísardóttir Jónsdóttir stofnaði költ í vorhretinu, erlendu listamennirnir Lionell Guzman, Jake Laffoley og Mio Hanaoka sýndu, hnallþórur voru borðaðar og til sýnis í maí, hreyfingunni var fagnað um miðjan veturinn í stórri vídjóverkasýningu og Ari Allanson og Camille Lecroix voru með residensíu í rýminu og sýndu verkefnið sitt Space Lab. Þetta er einungis hluti af því fjölmarga sem borið hefur á góma í Midpunkt síðastliðið ár, en frá stofnun hefur ný sýning opnað í hverjum mánuði.

Í augnablikinu stendur yfir Þjófaveisla eftir Úlf Karlsson en næsta sýning Midpunkt opnar 1. nóvember kl 18:00 og ber heitið Með líkamann að vopni. Sýningin skartar listamönnum sem eiga það allar sameiginlegt að vera menntaðar sem dansarar og danshöfundar og vinna með kóreografíska aðferðafræði.

WP2Social Auto Publish Powered By : XYZScripts.com