Menningarganga

Menningarganga – Sjónarhorn á Hafnarfjörð

Fimmtudaginn 4. júní kl. 20 mun Ágústa Kristófersdóttir, forstöðumaður Hafnarborgar, leiða göngu um miðbæ Hafnarfjarðar, þar sem gengið verður um slóðir listamanna í bænum og sjónarhorn þeirra á gamla bæinn leituð uppi. Gangan hefst í Hafnarborg.

Fjallað verður sérstaklega um sjónarhorn valinna verka úr safneign Hafnarborgar, sem öll eiga það sameiginlegt að sýna Hafnarfjörð, þó hvert með sínum hætti. Þar má sjá bæinn í gegnum augu listamannanna, sem vinna á ólíkum tímum og með ólíka miðla, svo sem málverk, teikningar, grafík og ljósmyndir. Að endingu verður Hafnarborg heimsótt og verkin skoðuð.

Menningar- og heilsugöngur eru á dagskrá Hafnarfjarðar öll fimmtudagskvöld í sumar. Göngurnar eru samstarfsverkefni Hafnarborgar, Byggðasafns Hafnarfjarðar, Bókasafns Hafnarfjarðar og heilsubæjarins Hafnarfjarðar. Þátttaka er ókeypis og allir velkomnir.

WP2Social Auto Publish Powered By : XYZScripts.com