IMG 7011

Medium of Matter opnar í BERG Contemporary

Sýning Rósu Gísladóttur, Medium of Matter opnar í BERG Contemporary næstkomandi laugardag 19. janúar kl. 17. Sýningin samanstendur af nýjum skúlptúrum eftir Rósu.

Rósa Gísladóttir nam myndlist við Myndlista- og handíðaskóla Íslands og lauk námi árið 1981. Hún útskrifaðist með diplóma frá Listaakademíunni í München úr skúlptúrdeild árið 1986, meistaragráðu í myndlist frá Manchester Metropolitan University árið 2002 og lauk M.Art.Ed. gráðu í kennslufræðum við Listaháskóla Íslands árið 2014.

Rósa á að baki fjölmargar sýningar hérlendis til að mynda í Listasafni Reykjavíkur og Kjarvalsstöðum, Listasafni Árnesinga, Listasafni ASÍ og Nýlistasafninu. Hún hefur einnig verið virk í sýningarhaldi erlendis og hefur sýnt í Róm, Ravenna, Bonn, Krefeld, Frauenfeld, Manchester, Saatchi Gallery í London og Scandinavia House Gallery í New York. Verk eftir hana er að finna í safneign Listasafns Reykjavíkur, Listasafns Íslands og Icelandair Art Collection.

WP Facebook Auto Publish Powered By : XYZScripts.com