Margrét Rut1

Margrét Rut Eddudóttir opnar sýningu í SÍM salnum 5.apríl kl.17-19

Birds and Emotional Skwigglery sem mætti kalla á íslensku Fuglar og tilfinningarið er heiti sýningar Margrétar Rutar Eddudóttur sem opnar næstkomandi föstudag, 5 apríl, kl 17-19.

Margrét vinnur að mestu leyti með líkamann í verkum sínum, einnkum kvennlíkamann, þar sem hún tjáir iðulega einhverskonar valdatogstreitu í feminískum skilningi. Hún veltir iðulega fyrir sér hugmyndum um það sem telst kvenlægt og karllægt. Verkin á sýningunni eru teikningar, skúlptúrar og textílverk. Margrét hóf að nota tækni í flossi (e. punchneedle embroidery) síðasta sumar. Eftir að hún byrjaði að vinna með textíl var ekki aftur snúið.

“Miðað við þá hugmyndafræði sem liggur að baki flestra verka minna var það mjög rökrétt þróun að ég notist við þessa alda gömlu iðju sem hefur öldum saman talist kveniðja.”

Nýjustu verk hennar hafa sum tekið á sig frekar abstrakt mynd, þá sérstaklega teikningarnar, sem halda þó líkamlegum eiginleikum sínum. Sum verkanna virðast vera blanda af reðurtáknum, þörmum eða einhverskonar innra lífi. Hún kallar þessar myndir sjálf “Emotional skwigglery” og nokkur verkanna bera titlana “Emotional wieners”.

Margrét Rut Eddudóttir er fædd 1981 og kláraði fornám í Myndlistaskóla Reykjarvíkur árið 2007. Árið 2010 útskrifaðist hún með BA í myndlist frá LHÍ. Fyrsta einkasýning hennar var haldin í Deiglunni á Akureyri árið 2011. Frá og með árinu  2014  hefur hún haldið árlegar heimasýningar á heimili sínu í Vesturbænum. Margrét er nú búsett í San Francisco þar sem hún býr ásamt eiginmanni og börnum.

40% af allri sölu á sýningunni rennur til IRC (International Rescue Committee). Einnig verður boðið að kaupa eftirprentanir sem verða undirritaðar og í takmörkuðu upplagi.

WP2FB Auto Publish Powered By : XYZScripts.com