E47f13e0 24fa 4fcc 90e7 8d282e7190cb

Málum með jörðinni | Námskeið fyrir grunnskólakrakka & frítt fyrir fullorðna í fylgd barna í vetrarfríi 26.-27. október

Málum með jörðinni |
Námskeið fyrir grunnskólakrakka í vetrarfríinu

Boðið verður upp á tveggja daga námskeið fyrir grunnskólakrakka í vetrarfríi skóla í Kópavogi, 26.-27. október kl. 9-12, í Gerðarsafni. Á námskeiðinu munum við fara í ferðalag um málverkasýninguna Staðsetningar með verkum Einars Garibalda og Kristjáns Steingríms í fylgd með listakrákunum Iðu, Litíu og Hringi. Þar skoðum við mismunandi staði í verkum málaranna og kynnumst því hvernig málverk geta verið gerð úr jarðvegi. Ferðin leiðir okkur í Náttúrufræðistofu Kópavogs þar sem við kynnum okkur jarðfræði landsins og rannsökum steina í smásjá. Á seinni hluta námskeiðsins munum við búa til málningu úr mold og gera okkar eigin listaverk út frá náttúrunni.

Takmarkaður fjöldi er á námskeiðið og fer skráning fram í póstfangið: menningarhusin@kopavogur.is
Námskeiðið er miðað að 6-9 ára krökkum en er opið öðrum aldurshópum.
Námskeiðið er hluti af fræðsludagskrá Menningarhúsanna í Kópavogi og er þáttaka í námskeiðinu ókeypis.

Fjölbreytt dagskrá verður í Bókasafni Kópavogs í vetrarfríinu.

Fimmtudagur 26. okt.
11:00 Starwars-bíó
13:00 Vísindasmiðja Háskóla Íslands
14:00 Borðspil og notaleg stemning
Föstudagur 27. okt.
11:00 Starwars-bíó
13:00 Starwars-bíóið heldur áfram!
_______________

Let’s paint with the earth | Art workshop for kids

Gerðarsafn will host a two day workshop for kids on Winter leave in Kópavogur 26.-27. October at 9-12 a.m. The group will explore the exhibition Emplacement, visit the Natural History Museum and learn how to create artworks from mud and stones.

A limited group can partake in the workshop and registration goes through: menningarhusin@kopavogur.is
The workshop is aimed at 6-9 year old kids. The workshop is part of the educational program in The Culture Houses of Kópavogur and is participation free of charge.

Skapandi samverustund | 
Fullorðnir fá frítt inn með börnum í vetrarfríi

Í tilefni af vetrarfríi í grunnskólum í Kópavogi fá fullorðnir frítt inn í Gerðarsafn í fylgd með börnum, 26.-27. október. Sýningin Staðsetningar stendur nú yfir með verkum Einars Garibalda Eiríkssonar og Kristjáns Steingríms Jónssonar, sem unnið hafa með málverkið um árabil. Einar Garibaldi og Kristján Steingrímur hafa báðir mótað með sér persónulega nálgun í rannsóknum sínum á náttúru, stöðum og staðsetningum.

Þrjár listakrákur hafa gert sig heimakomnar í Gerðarsafni og slást þær gjarnan í för með forvitnum krökkum um sýningarnar í leit að formum, litum og hreyfingum í listaverkunum. Á neðri hæð safnins er að finna Stúdíó Gerðar þar sem er hægt að gera eigin listaverk innblásin af sýningum safnsins.

Gerðarsafn er opið þriðjudaga til sunnudaga kl. 11-17. Garðskálinn er opinn sömu tíma og fást þar kræsingar á við súpu, salöt, kökur og kaffi.

_______________

Free entrance for adults with children during Winter break

During winter vacation in elementary schools in Kópavogur, adults accompanied by children get free admission to Gerðarsafn, 26.-27. October. The current exhibition is Emplacement with paintings by Einar Garibaldi Eiríksson and Kristján Steingrímur Jónsson. On the museum’s lower floor is Gerdur’s studio where kids of every age can create their own artworks inspired by the visit.

WP Facebook Auto Publish Powered By : XYZScripts.com